शरद पवार 55 वर्षांनंतर राजकीय प्रतिस्पर्धी आणि कट्टर विरोधकाची घेणार भेट, काय कारण?

लोकसभा निवडणुका अवघ्या काही दिवसांवर असल्याने लोकसभा निवडणुकीच्या रणधुमाळीत शरद पवार प्रचारात व्यस्त आहे. दरम्यान, बारामतीतूनच त्यांना आपल्याच कुटुंबीयांकडून आव्हान मिळाले असल्याने आपला गड राखून ठेवण्यासाठी शरद पवार यांचे शर्थीचे प्रयत्न करावे लागत आहे. अशातच त्यांच्या भेटीगाठीसुद्धा होताना दिसताय. विशेष म्हणजे शरद पवार तब्बल 55 वर्षांनी राजकीय प्रतिस्पर्धीची भेट घेणार असल्याचे राजकीय वर्तुळात चर्चांना उधाण आले आहे. शरद पवार हे जवळपास 55 वर्ष प्रतिस्पर्धी असणाऱ्या काकडे कुटुंबियांकडे जात आहे. त्याचे कारण म्हणजे माजी खासदार कै. संभाजी काकडे यांची पत्नी कंठावती काकडे यांचे नुकतेच निधन झाले. यामुळे शरद पवार काकडे कुटुंबियांच्या सांत्वन भेटीसाठी जाणार असल्याची माहिती मिळतेय. शरद पवार यांचे प्रतिस्पर्धी म्हणून कै. संभाजीराव काकडे, कै. बाबालाल काकडे ओळखले जात होते. बारामती लोकसभा मतदारसंघातून संभाजीराव काकडे दोन वेळा खासदार म्हणून निवडून आले होते. शरद पवार यांचे कट्टर विरोधक म्हणून त्यांची ओळख होती.