मुंबई, ७ डिसेंबर २०२३ : राज्यातील आरोग्य विभागातील पदांचा लिलाव केला जात आहे. या विभागातील लिलाव करून बदल्या आणि बढत्या केल्या जात आहे, असं वक्तव्य संजय राऊत यांनी केलं आहे. तर आरोग्य विभागातील एखाद्या पदाचा लिलाव होत असल्याचा गंभीर आरोपही संजय राऊत यांनी केला आहे. दरम्यान संजय राऊत यांनी मुख्यमंत्री शिंदे यांना यासंबंधित एक पत्रही लिहिले होते. त्याचे उत्तर किंवा त्यावर कारवाई झाली नाहीतर मोठा स्फोट करावा लागेल असा इशाराच संजय राऊत यांनी दिला. तर आरोग्यमंत्री तानाजी सावंत यांनी संजय राऊत यांच्याकडून माफी मागवी अशी मागणी केली आहे. जर संजय राऊत यांनी माफी मागितली नाहीतर अब्रू नुकसानीचा दावा ठोकणार असा थेट इशाराच दिला आहे.