भारतात मंकीपॉक्सचा पहिला संशयित रुग्ण आढळल्याने खळबळ उडाली आहे. मंकीपॉक्स कसा पसरतो, त्याची शरीरावर कोणती लक्षणं दिसतात आणि त्याचा प्रतिबंध कसा करता येईल, याविषयी जागरूकता निर्माण करणं अत्यंत महत्त्वाचं आहे. आफ्रिकेतून आलेला हा विषाणू हा युरोप आणि अमेरिकेतही पोहोचला आहे. मंकी पॉक्सच्या विषाणूचा संसर्ग माकड, उंदीर, खार अशा सस्तन प्राण्यांना होऊ शकतो. सरपटणारे प्राणी, उभयचर प्राणी किंवा उडणारे पक्षी यांनाही विषाणूचा संसर्ग होऊ शकतो की नाही हे अद्याप उघडकीस आलेलं नाही. अनेक प्राण्यांमध्ये जरी मंकी पॉक्सचा संसर्ग होत असला तरी त्यांच्या शरीरावरुन त्याची लक्षणे दिसतीलच असं नाही. हा आजार नेमका कसा पसरतो आणि त्याचा संसर्ग होऊ नये यासाठी कोणती काळजी घ्यावी, हे या व्हिडीओच्या माध्यमातून जाणून घेऊयात..