विदर्भात मान्सूनपूर्व पावसाचा हवामान विभागाकडून अंदाज वर्तविण्यात आला आहे. विदर्भात पावसासाठी पोषक वातावरण तयार झाल्याचीही माहिती हवामान विभागाने दिली आहे. पावसासाठी पोषक वातावरण निर्माण झाल्याने विदर्भासह मराठवाडा आणि महाराष्ट्राच्या अन्य भागात पावसाची शक्यता आहे. हवामान विभागानुसार, येत्या १० जूनपर्यंत मोसमी पाऊस महाराष्ट्रात दाखल होण्याची शक्यता आहे. यंदा राज्यात वेळेपूर्वीच मान्सून दाखल होणार असून पावसाचे प्रमाण हे दरवर्षीपेक्षा सरासरी पेक्षा अधिक असणार असल्याचा अंदाजही हवामान विभागाकडून वर्तवण्यात आला आहे. दरम्यान, नैऋत्य मोसमी वारे अर्थात मान्सून हा भारतात दाखल झाला आहे. दरवर्षी केरळ राज्यात ३१ मे पर्यंत मान्सून दाखल होत असतो मात्र यावेळी एक दिवस आधीच ३० मे रोजी मान्सून केरळमध्ये दाखल झाला आहे. त्यामुळे कडाक्याच्या उन्हाने हैराण झालेल्या नागरिकांना दिलासा मिळाला आहे.