पुणे, १० ऑक्टोबर २०२३ | पुणे लोकसभा मतदारसंघातून जर मोहन जोशी यांना उमेदवारी दिली तर त्यांचा विजय निश्चित आहे, असं मोठं वक्तव्य काँग्रेस आमदारानं केलं आहे. पक्षाने जर मला विचारलं तर मी पुणे लोकसभेसाठी मोहन जोशी यांचे नाव सांगणार असल्याचे पुण्यातील कसब्याचे काँग्रेस आमदार रविंद्र धंगेकर यांनी म्हटले आहे. मोहन जोशी यांचे इतक्या वर्षांपासून पुण्यात काम आहे, त्यांचं नाव पुणे लोकसभेसाठी चर्चेत आहे, मोहन जोशी यांना उमेदवारी दिली तर उत्तम आहे. मात्र हा सर्व पक्षांचा निर्णय आहे. असेही रविंद्र धंगेकर यांनी म्हटले आहे. कारण मी साधा एक कार्यकर्ता आहे. मी काही नेता नाही. पक्ष जो निर्णय घेईल तो सर्वांनाच मान्य असेल असेही रविंद्र धंगेकर यांनी लोकसभा निवडणुकीच्या उमेदवारासंदर्भात भाष्य करताना म्हटले आहे.