आमदार गोपीचंद पडळकर आणि सदाभाऊ खोत हे एसटी कर्मचारी संघटनांच्या आंदोलनात उतरणार आहे. यासोबत सेवाशक्ती संघर्ष एसटी कर्मचारी संघटनाही आंदोलनात उतरणार आहे. दरम्यान, एसटी कर्मचाऱ्यांना राज्य सरकारी कर्मचाऱ्यांप्रमाणे पगार लागू करा, अशी मागणी गोपीचंद पडळकर यांनी सरकारकडे केली आहे. तर रात्री १२ पासून चक्काजाम करून संप करावा, आम्ही पाठिशी आहोत, असे म्हणत गोपीचंद पडळकर यांनी बेमुदत संपाची हाक देणाऱ्या एसटी कर्माचाऱ्यांना पाठिंबा दर्शविला आहे. ‘एसटी कर्मचा-यांनी आज रात्री 12 पासून चक्का जाम करून संप करावं आम्ही पाठीशी आहोत, असे गोपीचंद पडळकर म्हणाले तर राज्य सरकारच्या कर्मंचा-यांप्रमाणे एसटी कर्मचा-यांना पगार मिळावा अशी मागणी त्यांनी सरकारकडे केली. पुढे ते असेही म्हणाले, एसटी महामंडळाचं विलनीकरण हे करता येत नाही. विलनीकरण होत नाही याची क्लिरिटी सर्वांना आहे. एसटी अधिका-यांनी महिन्याभरात 410 कोटी रूपये खर्च होतो, असं सांगितलं मात्र व्यवस्थापकीय संचालकांनी पगार द्यायला हवा पण ते पगार देत नाही, असे पडळकर यांनी सांगितले.