Fake Threat Call | धमकीच्या फोनच सत्र सुरूच, मुंबई पोलिसांना आता कोणाचा आला निनावी कॉल?

मुंबई, १८ सप्टेंबर २०२३ | मुंबईमध्ये निनावी धमकीच्या फोनचं सत्र अद्याप सुरूच असल्याचे पुन्हा एकदा समोर आले आहे. मुंबईतील बोरिवलीमध्ये २० ते २५ दहशतवादी बॉम्ब बनवत असल्याचा निनावी फोन मुंबई पोलिसांना आल्याची माहिती मिळतेय. या निनावी फोननंतर मुंबई पोलिसांनी तपासणी केली असता काहीही आढळलं नसल्याचे मुंबई पोलिसांनी म्हटले आहे. तर मुंबई पोलिसांना मुंबईतील बोरिवलीमध्ये २० ते २५ दहशतवादी बॉम्ब बनवत असल्याचा निनावी फोन करणारा संशयित व्यक्ती सध्या पोलिसांच्या ताब्यात आहे. तर दारूच्या नशेत त्याने हा निनावी धमकीचा फोन केल्याचे मुंबई पोलिसांकडून करण्यात आलेल्या तपासातून समोर आले आहे.