जळगाव, १ सप्टेंबर २०२३ | आगामी विधानसभा आणि लोकसभा निवडणुका भाजपाकडून एकत्र घेण्याच्या चर्चेवर राष्ट्रवादीचे आमदार एकनाथ खडसे यांनी आपली प्रतिक्रिया माध्यमांना दिली आहे. लोकसभा विधानसभा या निवडणुका यापूर्वी या देशात 31 वर्ष एकत्र पार पडत होत्या. आता पंतप्रधान नरेंद्र मोदी यांची इच्छा दिसते की, वन नेशन वन इलेक्शन यानुसार विधानसभा आणि लोकसभा निवडणुका भाजपाकडून एकत्र होणार असल्याचे शक्यता वर्तविली जात आहे. त्यामुळे एक नवीन अधिवेशन घेण्याचं त्यांनी ठरवलेलं दिसतंय. हे करत असताना बाकीच्या राज्यांना बरखास्त करावा लागेल, लवकर निवडणुका घ्यावा असा प्रयत्न भाजपचा दिसतोय. असं वक्तव्य राष्ट्रवादीचे आमदार एकनाथ खडसे यांनी केलेय. तर जेवढ्या दिवस निवडणुका लांबतील तेवढं नव्याने गठीत झालेल्या इंडिया हे मजबूत होईल आणि याचा फटका भाजपाला बसेल, असा विश्वास एकनाथ खडसे यांनी व्यक्त केलाय. यासोबतच इंडियाच्या संयोजक निवड चर्चेवर एकनाथ खडसे यांनी भाष्य करताना असे म्हटले की, जे काही इंडियाच्या बैठकीत निर्णय होतील ते सामूहिक निर्णय होतील शरद पवार राहुल गांधी आणि अन्य कोणाचे नाव येतील ते मान्य सर्वांना असणार आहे.