राज्याचे उपमुख्यमंत्री अजित पवार यांच्याकडून लाडक्या भावांच्या योजनेची एक जाहीरात ट्वीट करण्यात आली आहे. योजनांची नांदी जशी बहिणींसाठी.. तशीच भावांसाठी सुद्धा… असं या ट्वीटमध्ये म्हटलं आहे. जशा बहिणी तसेच भाऊ.. अजित पवारांसाठी सगळेच लाडके आहेत, अशा आशयाची एक जाहीरात अजित पवारांच्या राष्ट्रवादीकडून ट्वीट करण्यात आली आहे. दरम्यान ट्वीट द्वारे करण्यात आलेल्या या जाहिरातीतून लाडक्या भावांसाठी असलेल्या योजनांची माहिती देण्यात आली आहे. ‘जशा बहिणी, तसेच भाऊ.. या दादासाठी सगळेच लाडके! योजनांची नांदी जशी बहिणींसाठी.. तशीच भावांसाठी सुद्धा..’, असे या ट्वीटमध्ये म्हटले आहे. तर यासोबत एक व्हिडीओसुद्धा जोडण्यात आला आहे. तसेच पुढे असेही म्हटले आहे, या योजनांबद्दल कोणतीही अडचण असेल तर माझ्या भावांना विनंती करतो की, आमचा महाराष्ट्रवादी व्हॉट्सअप हेल्पलाइन क्रमांक – ९८६१७१७१७१ तुमच्या मोबाईलमध्ये सेव्ह करून घ्या. प्रत्येक उपयुक्त योजनेची माहिती सविस्तर मिळवा. लाभ घ्या, पंखांना बळ द्या!