मालवण पुतळा दुर्घटनेवरुन नितीन गडकरींचा सरकारला घरचा आहेर, सत्तेतील ‘त्या’ तिघांचे दावे खोडले?

पुतळा दुर्घटनाप्रकरणी नितीन गडकरींनी सरकारला घरचा आहेर देताना म्हटलं की, वादळी वाऱ्याने पुतळा पडला, खारं वाऱ्यानं गंज लागून पुतळा पडला किंवा निकृष्ट दर्जांचं काम सरकारकडून झाल्याची तक्रार अशा तीन सत्ताधाऱ्यांच्या दाव्यांना अप्रत्यक्षपणे नितीन गडकरींनीच खोडून काढलं आहे. तर दुसरीकडे शिल्पकार जयदीप अपटे अद्याप फरार असून सापडत नसल्याने पोलिसांच्या कारभारावर विरोधकांनी शंका व्यक्त केली जात आहे. पोलीस, अनेक शोध पथकं मागावरून असून जयदीप आपटेचा शोध का लागला नाही, यावरून सरकारवर जोरदार निशाणा साधला जातोय. २६ ऑगस्ट रोजी शिवरायांचा मालवणच्या राजकोट किल्ल्यावरील पुतळा कोसळला. त्याच रात्री शिल्पकार जयदीप आपटे याच्यावर गुन्हा दाखल झाला. तर २७ ऑगस्टला त्याने माध्यमांना प्रतिक्रिया दिली आणि तो फरार झाला. तेव्हापासून पाच पोलीस त्याच्या घराबाहेर पाहरा देताय. याशिवाय ७ पथकं त्यांच्या शोधात आहे. कल्याण क्राईम ब्रांच पोलीस पथक, बाजारपेठ पोलीस स्टेशन, सिंधुदुर्ग क्राईम ब्रांच पोलीस पथक आणि मोबाईल ट्रेस करणारी दोन पथकासह अलिबाग स्थानिक शाखेचं पथक आपटेच्या शोधात आहेत.