बुलढाणा जिल्ह्यातील लोणार भागात मृदू कवचाचे दुर्मिळ कासव आढळले आहे. मी लोणारकर या टीमकडून मृदू कवचाच्या दुर्मिळ कासवांना जीवनदान देण्यात आलं आहे. इतकंच नाहीतर मी लोणारकर या टीमकडून नैसर्गिक अधिवासात या कासवांना सोडण्यात आले असून त्यांना सुरक्षित ठिकाणी पोहोचवले आहे. बुलढाणा जिल्ह्यातील लोणार सरोवर परिसरामध्ये शहरालगत दोन मृदू कवचाचे कासव मी लोणारकर टीमच्या सदस्यांना आढळून आले आहेत. दुर्मिळ असणाऱ्या या मृदू कवचाच्या कासवांची गैरसमजुतीतून अनेक जण तस्करी देखील करत असतात. त्यामुळे या कासवांच्या जीवाला धोका उद्भवू नये, यासाठी मी लोणारकर टीम कडून या कासवांना रेस्क्यू करण्यात आले आहे. या कासवांचे रेस्क्यू करण्यात आल्यानंतर लोणार येथील परिसरात असलेल्या तलावात या कासवांना सोडून जीवदान देण्यात आले आहे.