पुणे, २९ सप्टेंबर २०२३ | पुण्यात आज एका निर्घृण हत्येनं एकच खळबळ उडाली आहे. एका निवृत्त पोलिसाच्या मुलाची निर्घृणपणे हत्या करण्यात आली आहे. सिंहगड रोड पोलीस ठाण्यात संबंधित हत्येची घटना घडली आहे. विजय ढुमे असं हत्या करण्यात आलेल्या निवृत्त पोलिसाच्या मुलाचं नाव असून ते सिंहगड रोड परिसरातील एका लाँजमधून बाहेर येत होता. यावेळी एका टोळक्याने त्यांच्यावर हल्ला केला. विजय ढुमे लाँजमध्ये गेल्यानंतर आरोपींचं टोळकं तिथे दबा धरुन बसला होता. विजय बाहेर येताच दबा धरुन बसलेल्या टोळक्याने हल्ला यावेळी त्यांचा जागीच मृत्यू झाला. दरम्यान सिंहगड रोड परिसरातील पोलिसांकडून आरोपींचा शोध सुरु करण्यात आला आहे. आरोपींनी ही हत्या का केली? याचा तपास पोलिसांकडून सुरू कऱण्यात आला आहे.