देव तारी त्याला कोण मारी! चमत्कार झाला अन् मुलगा वाचला

मराठीमध्ये (marathi) एक प्रसिद्ध अशी म्हण आहे, देव तारी त्याला कोण मारी! या म्हणीचा प्रत्यय पुन्हा एकदा आला आहे. भीषण अपघातातून एक मुलगा चमत्कारिकरित्या बचावला आहे. या अपघाताचा (accident) व्हिडीओ आता सोशल मीडियावर चांगलाच व्हायरल होत असून, आतापर्यंत लाखो लोकांनी हा व्हिडीओ पाहिला आहे. ही घटना केरळमधील कन्नूरच्या तळीपरंबाज परिसरातील आहे. हा सर्व प्रकार तिथे असलेल्या सीसीटीव्हीमध्ये (cctv) कैद झाला आहे. हा मुलगा त्याच्या सायकलवर घाई-घाईत रस्त्या क्रॉस करण्याचा प्रयत्न करत होता. रस्ता क्रॉस करताना समोरून अचानक एक दुचाकी आली, हा मुलगा या दुचाकीला धडकला. मात्र दुचाकीच्या मागून एक बस देखील येत होती. दुचाकीची धडक बसल्याने हा मुलगा बसच्या पुढे जाऊन पडला तर या मुलाची सायकल बसच्या चाकाखाली आली. अपघातात सापडलेल्या या सायकलचा चुराडा झाला आहे. यावरून आपल्याला कल्पना येऊ शकते की, हा अपघात किती भीषण होता.