रवी राणा यांना काय स्थान आहे? असा सवाल करत काँग्रेसचे बडे नेते विजय वडेट्टीवार यांनी अमरावतीचे आमदार रवी राणा यांच्यावर सडकून टीका केली आहे. तर रवी राणा हे लोचटपणे भाजपच्या मागे पळतात, वारंवार स्वतःचे निर्णय बदलणाऱ्या माणसाला किती महत्त्व द्यायचं, असं वक्तव्य करत विजय वडेट्टीवार यांनी आमदार रवी राणा यांच्यावर बोलताना जिव्हारी लागणारी टीका केली. पंतप्रधान नरेंद्र मोदी पुन्हा सत्तेत आल्यावर 15 दिवसात उद्धव ठाकरे हे सरकारमध्ये दिसतील, असा मोठा दावा अमरावतीचे आमदार रवी राणा यांनी केला होता. तर येणारा काळ हा पंतप्रधान नरेंद्र मोदी यांचा असणार आहे. देशाचं भविष्य उज्ज्वल करण्यासाठी पंतप्रधान नरेंद्र मोदी हेच गरजेचे आहेत. हे उद्धव ठाकरे यांना माहिती आहे, असे खोचक वक्तव्यही रवी राणा यांनी केले होतं. यावरच विजय वडेट्टीवार यांनी पलटवार करत रवी राणा यांच्यावर निशाणा साधला आहे.