मंत्री छगन भुजबळांच्या अडचणीत वाढ होण्याची शक्यता आहे. कथित महाराष्ट्र सदन घोटाळ्यात भुजबळांना सत्र न्यायालयाने दोषमुक्त केलंय. मात्र अंजली दमानिया यांनी त्या निकालावरून हायकोर्टात धाव घेतली होती. या प्रकरणात आता मुंबई हायकोर्टाने येत्या ४ आठवडयात पुन्हा सुनावणी ठेवली आहे. ९ सप्टेंबर २०२१ ला कथित महाराष्ट्र सदन घोटाळ्यात छगन भुजबळांना सत्र न्यायालयाने दोषमुक्त केलंय. मात्र या प्रकरणात तपास जाणून-बुजून पुरावे दडपले गेल्याचा आरोप अंजली दमानियांचा होता. गेली दीड वर्ष अंजली दमानिया निर्णयाला आव्हान देण्यासाठी पाठपुरावा करत होत्या. मात्र पाच न्यायाधीशांनी नॉट बिफोर मी… सदर प्रकरण आमच्यासमोर नाही असं उत्तर दिल्याचं दमानियांनी म्हटलं. यानंतर त्यांनी सुप्रीम कोर्टात धाव घेतली. त्यावर कोर्टाच्या सरन्यायाधीशांनी संबंधित याचिका पटलटावर घेण्याचे आदेश हायकोर्टाला दिले. त्यानंतर मुंबई उच्च न्यायालयानं ४ आठवड्यात एसीबीसह निर्दोष ठरलेल्या भुजबळांनाही नोटीस पाठवलीये. बघा स्पेशल रिपोर्ट….