विरोधकांचा बॅलेन्स गेला आहे. इतकंच नाहीतर त्यांचा आत्मविश्वास आणि आरोप करण्याचा स्तर हा पूर्णपणे ढासळला आहे. महायुतीला मिळणारा जनतेचा पाठिंबा पाहता त्यांच्या पायाखालची जमीन आता घसरली आहे. जागेपणे झोपताना त्यांना फक्त एकनाथ शिंदे दिसतो. मी मुख्यमंत्री झालो हे देखील त्यांना पचलं नाही. तर एका शेतकऱ्याचा मुलगा मुख्यमंत्री कसा बनला कारण सोन्याचा चमचा तोंडात घेऊन आलेले मुख्यमंत्री बनतात. पण आता जनता माझ्यासोबत आहे, असे म्हणत शिंदेंनी पलटवार करत आम्ही कामातून उत्तर देऊ असं वक्तव्य या टीकेवर केलंय. एकनाथ शिंदे कोण आहेस तू? कोण आहेस तू? असं प्रियंका चतुर्वेदी म्हणाल्या तर यावेळी गर्दीतून गद्दार, गद्दार असा आवाज आला. तर ठाण्यापर्यंत हा आवाज पोहोचला पाहिजे. गद्दार गद्दारच राहणार, असं चतुर्वेदी म्हणाल्या. तर श्रीकांत शिंदेच्या कपाळावर लिहिलय, ‘मेरा बाप गद्दार हैं’. असं लिहिलंय, असं म्हणत प्रियंका चतुर्वेदींनी शिंदेंवर हल्लाबोल केला होता. त्यावरच मुख्यमंत्र्यांनी पलटवार केलाय.