सोलापूर : कर्नाटकात सध्या विधानसभा निवडणुकीचं वारं वाहतंय. प्रचाराची रणधुमाळी सुरु आहे. अशात महाराष्ट्रातील भाजपचे नेते कर्नाटकात जाणार आहेत. राज्याचे उपमुख्यमंत्री देवेंद्र फडणवीस आज कर्नाटक दौऱ्यावर जाणार आहेत. तसंच भाजपचे इतर नेतेही कर्नाटकात जाणार आहेत. गिरीश महाजन, आशिष शेलार, प्रवीण दरेकर यांच्यासह इतर भाजप नेते कर्नाटकात जाणार आहेत. कर्नाटकातील दौऱ्यापूर्वी सोलापूर विमानतळावर देवेंद्र फडणवीस यांचं आगमन झालं. भाजप खासदार आणि आमदारांनी देवेंद्र फडणवीस यांचं स्वागत केलं. देवेंद्र फडणवीस आज कर्नाटकच्या विजयपूर जिल्ह्यातील इंडी तालुक्याच्या दौऱ्यावर जाणार आहेत. कर्नाटक विधानसभेच्या भाजप उमेदवाराच्या निवडणूक प्रचारासाठी देवेंद्र फडणवीस आज कर्नाटक दौऱ्यावर आहेत. आज दिवसभर देवेंद्र फडणवीस विजयपूर जिल्ह्यातील विविध मतदारसंघात सभा घेणार आहेत.