अहमदनगर जिल्ह्यातील संगमनेर या मतदारसंघात विखे पाटील विरुद्ध थोरात कुटुबीयांचा संघर्ष चांगलाच टोकाला पोहोचल्याचे पाहायला मिळत आहे. दोन दिवसांपूर्वी माजी खासदार डॉ. सुजय विखे पाटील यांच्या उपस्थितीमधील एका सभेत माजीमंत्री, आमदार बाळासाहेब थोरात यांच्या कन्या जयश्री थोरात यांच्याबद्दल आक्षेपार्ह विधान केल्यामुळे तेथील मतदारसंघात राजकीय तणाव निर्माण झाला आहे. अहमदनगरमधील धांदरफळ बुद्रूक येथे सुजय विखे-पाटील यांची सभा पार पडली होती. कार्यक्रमाचे अध्यक्ष वसंतराव देशमुख यांनी बाळासाहेब थोरात यांच्या कन्या, एकवीरा फाउंडेशनच्या संस्थापिका डॉ. जयश्री थोरात यांच्याबद्दल सभेत वादग्रस्त वक्तव्य केले. त्यामुळे संगमनेर तालुक्यात संतापाची लाट उसळली आहे. अशातच सुजय विखे पाटील यांनी आपल्या संगमनेरच्या एका भाषणात मनसे अध्यक्ष राज ठाकरे यांच्यासारखं लाव रे तो व्हिडीओ स्टाईल भाषण केल्याचे पाहायला मिळाले. तोडफोड करणाऱ्यांचे थेट फोटो आणि व्हिडीओच सुजय विखे पाटील यांनी आपल्या भाषणादरम्यान दाखवलेत. बघा काय म्हणाले सुजय विखे पाटील आणि कोणते दाखवले व्हिडीओ?