मुंबई, २९ फेब्रुवारी २०२४ : ठाकरे गट मुंबईत 4 जागांवर निवडणूक लढण्याच्या तयारीत आहे. मुंबईतील 2 जागा काँग्रेससाठी सोडल्या जाण्याची शक्यता आहे. तर ठाकरे गट मुंबईत 4 जागा लढण्याचा तयारीत आहे. दक्षिण मुंबई, दक्षिण मध्य मुंबई, उत्तर पश्चिम मुंबई या जागांवर ठाकरे निवडणूक लढण्याची शक्यता आहे. ईशान्य मुंबई ही जागा ठाकरे गटाकडे आहे. पण काँग्रेस या जागेसाठी आग्रही आहे. तर दुसरीकडे वंचित बहुजन आघाडी बरोबर आल्यास ईशान्य मुंबई ही जागा वंचितला सोडली जाण्याची शक्यता आहे. दरम्यान, उत्तर मुंबईसाठी शरद पवार गट उत्सुक नसल्याची माहिती सूत्रांकडून मिळतेय. यासोबत शिवसेना ठाकरे गट 48 पैकी 23 जागा लढवणार असल्याची माहिती सूत्रांनी दिली आहे तर 23 पैकी दोन जागा मित्र पक्षांना देण्याची ठाकरे गटाची तयारी आहे. तर काँग्रेसच्या वाटेला 15 ते 17 जागा मिळणार असल्याची माहिती मिळत आहे. तर राष्ट्रवादीच्या शरद पवार गटाला 9 ते 11 जागा मिळणार आहेत.