मध्यप्रदेश, १६ ऑगस्ट २०२३ | नागपुरातील भाजपच्या कार्यकर्त्या सना खान या गेल्या काही दिवसांपासून बेपत्ता झाल्या होत्या. सना खान या मध्यप्रदेशातील जबलपूर येथे व्यावसायिक कामासाठी गेल्या होत्या आणि त्या परत महाराष्ट्रात परतल्याच नव्हत्या. या प्रकरणात एक मोठी अपडेट समोर येत आहे. मध्यप्रदेशच्या सिहोरीत सना खान यांचा मृतदेह सापडल्याची माहिती मिळत आहे. सिहोरा गावातून वाहणाऱ्या नर्मदा नदीपात्रात हा मृतदेह सापडला आहे. अजून या बद्दल काहीही अधिकृतपणे सांगण्यात आलेले नाही. सना खानचा नवरा अमित ऊर्फ पप्पू साहू या हत्या प्रकरणात मुख्य आरोपी आहे. रॉडने प्रहार करुन सना खानची हत्या केल्याची कबुली पप्पू साहू याने दिली आहे. त्यानंतर मृतदेह हिरेन नदीत फेकून दिला. पप्पू साहूने ज्या ठिकाणी सना खान यांचा मृतदेह फेकला, ती हिरेन नदी 3 किलोमीटरवर नर्मदा नदीला मिळते. मृतदेह हिरेन नदीतून नर्मदा नदीत वाहत आल्याची शक्यता आहे