तुम्ही आपली कार घेऊन महामार्गावरून प्रवास करत असाल तर ही बातमी तुमच्यासाठी महत्त्वाची आहे. कारण आता महामार्गावरून प्रवास करणं महागणार आहे. कारण NHAI (भारतीय राष्ट्रीय महामार्ग प्राधिकरण) कडून आजपासून 1 हजार 100 टोल प्लाझावरील टॅक्समध्ये वाढ करण्यात आली आहे. NHAI ने महामार्गावरील टोल टॅक्सच्या दरात 3 ते 5 टक्क्यांनी वाढ केली आहे. भारतातील टोल दर हा महागाईच्या अनुषंगाने दरवर्षी बदलला जातो. त्यानुसार यंदा महामार्गावरील साधारण 1 हजार 100 टोल प्लाझावर 3 टक्के ते 5 टक्के टोल टॅक्स दरवाढीची घोषणा करण्यात आली आहेत. नवीन दर आता 2 जून म्हणजेच रविवारी रात्रीपासून 12 वाजेपासून लागू केले जातील. सोमवारपासून देशभरात रोड टोल वाढणार आहेत, असे देखील NHAI च्या अधिकाऱ्यांनी सांगितले आहे.