मुंबई, ५ डिसेंबर २०२३ : पाच राज्याच्या निवडणुका झाल्यात त्यापैकी तीन राज्यात भाजपचा दणदणीत विजय झाला. यावरूनच उद्धव ठाकरे यांनी भाष्य करत भाजपला थेट आव्हान दिलं आहे. शिवसेना किती फोडा, प्रशासनातून बाहेर काढा. शिवसेना संपलेली नाही असे म्हणत उद्धव ठाकरे यांनी भाजपला आव्हान दिलं आहे. तुम्ही पहिले मुंबई महापालिकेची निवडणूक घ्या. तुमची एवढी लाट आहे तर एकच लोकसभेची निवडणूक बॅलेट पेपरवर घेऊन दाखवा. दम असेल तर मतदारांची शंका दूर करण्यासाठी एकच निवडणूक बॅलेट पेपरवर घ्या. साधी सिनेटची निवडणूक लांबवता तिथे वेळ जात नाही का? मग लोकसभेची मतमोजणी करण्यासाठी वेळ गेला तर बिघडलं कुठे? असा सवाल करत मुंबई महापालिकेची निवडणूकही बॅलेट पेपरवर घेऊन दाखवा, असे म्हणत उद्धव ठाकरे यांनी भाजपवर सडकून टीका केली आहे.