आगामी लोकसभा निवडणुकीच्या पार्श्वभूमीवर पुण्यातील अप्पा बळवंत चौकात एक अनोखं बॅनर झळकल्याचे पाहायला मिळत आहे. ‘निवडून आल्यावर दुसऱ्या पक्षात जाणार नाही, मी पक्षाशी आणि पक्षाच्या ध्येय धोरणाशी आणि ५ वर्ष मतदारांशी प्रामाणिक राहीन’, असा आशय या बॅनरवर लिहिला आहे. तर त्यावर आणखी असेही नमूद केले आहे की, जर निवडून आल्यावर मी त्याच पक्षात राहिलो नाही तर मला आणि माझ्या कुटुंबातील व्यक्तीला निवडून देवू नका… आवाहन जागृत पुणेकरांचे अशा शीर्षकाखाली असे म्हटले की, ‘उमेदवार मग तो कोणत्याही पक्षाचा असू द्या, त्यांनी आपल्या परिचय पत्रकामध्ये एकच उल्लेख करावा… असेही म्हटले आहे.’ सध्या या बॅनरवरच्या आशयाने पुणे शहरात एकच चर्चा होत आहे. जे उमेदवार आपल्या परिचय पत्रकात हे लिहतील त्यांनाच मतदान करा, असं आवाहनही करण्यात आलंय.