कल्याण लोकसभा मतदारसंघात यंदा चुरशीची लढत पाहायला मिळणार आहे . शिवसेना शिंदे गटाकडून मुख्यमंत्र्यांचे सुपुत्र श्रीकांत शिंदे यांचे उमेदवारी जवळपास निश्चित आहे. आज शिवसेना ठाकरे गटाकडून कल्याण लोकसभा मतदारसंघासाठी वैशाली दरेकर यांची उमेदवारी जाहीर करण्यात आली. वैशाली दरेकर या शिवसेना उद्धव ठाकरे यांच्या खंद्या समर्थक आहेत. वैशाली दरेकर यांच्या राजकारणाची सुरुवात शिवसेनेमधूनच झाली होती. मनसेमधून लोकसभा निवडणूक देखील लढवली त्यानंतरच्या काळात त्यांनी पुन्हा शिवसेनेत प्रवेश केला शिवसेनेत फूट पडल्यानंतर त्यांनी ठाकरे गटासोबतच राहणे पसंत केले होते. वैशाली दरेकर पुन्हा एकदा शिवसेना ठाकरे गटाकडून लोकसभा निवडणुकीला सामोरे जात आहेत याबाबत त्यांना विचारलं असतं त्यांनी समोर कितीही तगडं आव्हान असलं तरी लढणार आणि निवडून येणार असा विश्वास व्यक्त केला. पुढे त्या असेही म्हणाल्या, साहेबांनी माझ्यावर विश्वास दाखवलेला आहे. मी त्यांचा विश्वासाला तडा जाऊ देणार नाही. मी 100% प्रयत्न करेन. आमचे कार्यकर्ते या ठिकाणी आहेत. ते शंभर टक्के प्रयत्न करतील या वेळेला कल्याण लोकसभेचा खासदार शिवसेना उद्धव बाळासाहेब ठाकरे या पक्षाचाच असेल असेही त्यांनी म्हटले.