Baba Siddique Shot Dead : ‘त्या’ एका व्यक्तीच्या बदल्यासाठी बाबा सिद्दीकींची हत्या? बिश्नोई गँगने नाव घेतलेला अनूज थापन कोण?

बिश्नोई गँगमधील एका सदस्याने फेसबुकवर पोस्ट शेअर केली आहे. या पोस्टमध्ये त्यांनी जो कोणी सलमान खान आणि दाऊदच्या गँगची मदत करेल, त्याचा आम्ही हिशोब नक्की करु. बाबा सिद्दीकी यांच्या मृत्यूचे कारण म्हणजे बॉलीवूड, राजकारण आणि मालमत्ता व्यवहारातील दाऊद आणि अनुज थापन यांच्याशी असलेले संबंध, असे बिश्नोई गँगने म्हटले आहे. दरम्यान, कोण होता अनूज थापन ज्याचा बदला घेण्यासाठी बाबा सिद्दीकींची हत्या केल्याचा दावा बिश्नोई गँगकडून करण्यात आला आहे. तर या अनूज थापन ज्याचा बदला घेतल्याची पोस्ट बिश्नोई गँगकडून करण्यात आली आहे. अनूज थापन हा लॉरेन्स बिश्नोई गँगचा शूटर होता. १४ एप्रिल २०२४ रोजी सलमान खानच्या घरावर गोळीबार करण्यात आला होता. सलमान खानच्या घरावरील गोळीबार प्रकऱणात अनूज थापन हा आरोपी होता. अनूज थापनने गोळीबार करणाऱ्या दोन आरोपींना बंदूक पुरवली होती. तर २४ एप्रिल रोजी मुंबई पोलिसांनी अनूज थापनला पंजाब येथून अटक केली होती. तर १ मे रोजी अनूज थापनचा मुंबई पोलिसांच्या कोठडीत मृत्यू झाला होता. अनूज थापनने गळफास घेऊन आत्महत्या केली असल्याची माहिती पोलिसांनी दिली होती. दरम्यान, त्याने आत्महत्या केली नाहीतर त्याची हत्या करण्यात आल्याचा आरोप त्याच्या कुटुंबीयांकडून करण्यात आला होता.