शिवडीमध्ये कोणाची मशाल धगधगणार? अजय चौधरी आणि सुधीर साळवींच्या समर्थकांमध्ये पोस्टर वॉर

शिवडी विधानसभेला उद्धव बाळासाहेब ठाकरे गटाचा उमेदवार कोण असणार याबद्दल अजूनही प्रश्नचिन्ह आहे. अशातच शिवडी विधानसभा मतदारसंघात अजय चौधरी आणि सुधीर साळवी यांच्या समर्थकांमध्ये चांगलंच पोस्टर वॉर रंगताना पाहायला मिळत आहे. जो मातोश्रीचा आदेश असेल तोच शिवडीचा उमेदवार असणार अशा आशयाचे पोस्टर सध्या सोशल मीडियावर व्हायरल होताना दिसताय. अजय चौधरी आणि सुधीर साळवी यांच्या समर्थकांमध्ये आगामी विधानसभा निवडणुकीच्या पार्श्वभूमीवर आपापल्या नेत्यांचे पोस्टर व्हायरल केले जात आहे. शिवडी विधानसभेत निष्ठेची मशाल धगधगणार, असा अजय चौधरी यांच्या समर्थकांच्या पोस्टरवर उल्लेख आहे. तर संघर्षात साथ जनतेची मला भिती नाही विरोधकांची…असा उल्लेख असलेले पोस्टर सुधीर साळवी यांच्या समर्थकांकडून व्हायरल करण्यात येत आहे. अजय चौधरी हे ठाकरे गट शिवसेनेचे विद्यमान आमदार आहेत. तर सुधीर साळवी हे ठाकरे गटाकडून निवडणूक लढवण्यास इच्छुक आहेत.