बाईक चालवताना थंडी जाणवते का? जॅकेटमध्ये ठेवा ‘या’ 2 गोष्टी, जाणून घ्या
बाईक चालवताना छातीला थंडावा जाणवल्याने तुम्ही बराच काळ आजारी राहू शकता. छातीला थंडी जाणवल्यास खोकला आणि सर्दीसारख्या समस्या उद्भवू शकतात. अनेकदा जॅकेट घालूनही बाईक चालवताना छातीवर थंडावा जाणतोच. अशावेळी तुम्ही अशा टिप्स चा अवलंब करा ज्यामुळे तुम्ही थंडीपासून सुरक्षित राहाल.
थंडीच्या दिवसात बाईक चालवणे म्हणजे एक प्रकारची कसरत असते. कारण या दिवसांमध्ये काही ठिकाणी सकाळी खूप धुकं पसरलेलं असतं. त्यामुळे बाईक चालवताना थंडीसोबत धुक्यातून वाट काढणे कठीण होऊन बसते. तर वाढत्या थंडीच्या कडाक्यामुळे अनेकदा बाईक चालवताना स्वेटर म्हणा किंवा जॅकेट घालून देखील सर्वात जास्त थंडावा हा छातीला जाणवत असतो. बाईक चालवताना छातीला थंड वाऱ्यापासून संरक्षण करणे अत्यंत गरजेचे आहे. हिवाळयात बाईक चालवताना प्रत्येकजण गरम जॅकेट, हातमोजे,आणि तोंडाला मास्क लावून बाईक चालवतात. या सगळ्या गोष्टींची काळजी घेऊन सुद्धा थंडीच्या दिवसात छातीला जास्त थंडावा जाणवल्यास सर्दी, कफ, खोकला होत असतो. तर अशावेळी बाईक चालवताना हे सोपे उपाय करणं गरजेचं आहे जेणेकरून तुम्हाला छातीला अजिबात थंडी जाणवणार नाही. त्याचबरोबर तुम्ही आरामात बाईक चालवू शकाल.
जॅकेटच्या आता न्यूज पेपर ठेवा
थंडीच्या दिवसात तुम्ही जेव्हा बाईक चालवता तेव्हा थंड वाऱ्यापासून बचाव व्हावा यासाठी जॅकेट घालता, मात्र जॅकेट घालून सुद्धाछातीला थंडावा जाणवत असेल तर तुम्ही जॅकेटच्या आत डब्बल फोल्ड करून वर्तमानपत्र ठेवा. अश्याने जॅकेटच्या आत थंडावा किंवा गार वारा जाणवणार नाही. त्याचबरोबर तुमचे थंडीपासून संरक्षण मिळेल आणि तुम्ही आरामात बाईक चालवून तुमचा प्रवास पूर्ण करू शकतात.
एअर बबल पॉलिथिन हादेखील एक उत्तम उपाय आहे
तुम्हाला जर आणखी एक उत्तम ट्रिक्स ट्राय करायची असल्यास तुम्ही वृत्तपत्राप्रमाणे जॅकेटच्या मधोमध एअर बबल पॉलिथिन देखील ठेवू शकता. असे केल्याने बाईक चालवताना थंड हवा छातीपर्यंत पोहचत नाही. खरं तर एअर बबल पॉलिथिन वृत्तपत्रापेक्षा जास्त जाड असते. याशिवाय पॉलिथिनचा थरही खूप जाड असतो.
ही ट्रिक फार कमी लोकांना माहित आहे. खरं तर थंडीच्या दिवसात सकाळी बाईकवरून ऑफिस किंवा कॉलेजला जाणाऱ्यांसाठी ही एक उत्तम ट्रिक आहे. अशा तऱ्हेने वृत्तपत्र आणि एअर बबल पॉलिथीनचा वापर करून हिवाळ्यात बाईकवरून जाताना थंड हवेपासून स्वत:चा बचाव करू शकता.
