Honda Sports Bike : स्टायलिश लूक, 10 वर्षांची वॉरंटी, किंमत म्हणाल तर..

नवी दिल्ली | 27 सप्टेंबर 2023 : होडा मोटरसायकल अँड स्कूटर इंडियाने खास सणासुदीत धमाका केला आहे. इतर कंपन्यांना या स्पर्धेत उतरल्याशिवाय तरणोपाय ठेवला नाही. या कंपनीने खास ऑफर तर आणलीच आहे. पण अविश्वसनीय किंमतीमुळे ग्राहकांसह स्पर्धक कंपन्यांना पण धक्का दिला आहे. Honda SP125 ची नवीन स्पोर्ट्स एडिशनने बाजारात ग्राहकांचे लक्ष वेधत आहे. आकर्षक लूक आणि दमदार इंजिन हे या बाईकच्या जमेच्या बाजू आहेत. कंपनीने बाईकच्या लाँचिंगसह त्याचे ऑफिशिअल बुकिंग पण सुरु केले आहे. या खास स्पोर्ट्स एडिशनमध्ये (Sports Edition) ग्राहकांना 10 वर्षांची वॉरंटी देण्यात आली आहे.

बदलासह बाईक बाजारात

नवीन Honda SP125 ही स्पोर्ट्स एडिशन काही खास कॉस्मेटिक बदलासह बाजारात आली आहे. त्यामुळे ती नियमीत मॉडलपेक्षा वेगळी दिसते. सुरुवातीपासून ग्राहकांना नाविन्यूपूर्ण, स्टायलिश आणि दमदार दुचाकी देण्याचा कंपनीचा प्रयत्न आहे, असे होडा मोटरसायकल अँड स्कूटर इंडियाचे व्यवस्थापकीय संचालक, अध्यक्ष आणि सीईओ त्सुत्सुमु ओटानी यांनी सांगितले. ही नवीन खास स्पोर्ट्स एडिशन ग्राहकांच्या पसंतीला उतरेल, असा विश्वास त्यांनी व्यक्त केला.

खास फीचर्स

Honda SP125 मध्ये एलईडी हेडलॅम्प, डिजिटल इन्स्ट्रुमेंट क्लस्टर देण्यात आले आहे. गिअर पोझिशन, स्पीड, फ्युएल गेज यासारखी बेसिक माहिती यामुळे ग्राहकांना मिळेल. इंजिनासह इतर मॅकेनिझममध्ये कोणताच बदल करण्यात आलेला नाही. या बाईकला पूर्वी 123.94 cc क्षमतेचे सिंगल सिलेंडर PGM-FI इंजिन देण्यात आले होते. हे इंजिन 10.7 hp पॉवरचे आणि 10.9 Nm पीक टॉर्क जनरेट करते.

किंमत तरी किती

जपानी कंपनी होडाने त्यांच्या SP160 मध्ये काही बदल केले. त्यात काही मॉडेल बाजारात उतरवले. युनिकॉर्न 160 पेक्षा त्यात काही वेगळे फीचर्स देण्यात आले. नवीन ग्राफिक्स, फ्लोटिंग डिझाईनचा वापर करण्यात आला. अलॉय व्हील्सवर नवीन लाईन्स दिले. Honda SP125 च्या किंमतींची बाजारात चर्चा आहे. ही बाईक किफायतशीर असल्याचा कंपनीचा दावा आहे. या बाईकची सुरुवातीची किंमत 90,567 रुपये (एक्स शोरुम) ठेवण्यात आली आहे. शहरानुसार त्यात तफावत असू शकते.