लवकरच येत आहे मारूतीची सर्वात महाग कार, इनोव्हाला देणार टक्कर, किती असणार किंमत?
. मारुतीच्या नवीन (Maruti Upcoming Car) MPV चे नाव काय असेल हे सध्यातरी माहीत नाही. हे TNGA-C प्लॅटफॉर्मवर तयार केले जाईल आणि टोयोटाच्या बिदादी प्लांटमध्ये तयार केले जाईल.
मुंबई : मारुती सुझुकी लवकरच नवीन MPV आणणार आहे. ही गाडी टोयोटा इनोव्हा हायक्रॉसच्या धर्तीवर बनवला जाईल. टोयोटा आणि मारुती भारतात कार बनवतात. दोन्ही कंपन्या त्यांच्या संबंधित ब्रँडिंगसह समान कार स्वतंत्रपणे लॉन्च करतात. मारुतीची नवी कारही याच पद्धतीने येणार आहे. पेट्रोल-हायब्रीड पर्यायासह येणारी मारुतीची ही दुसरी कार असेल. मारुतीच्या नवीन (Maruti Upcoming Car) MPV चे नाव काय असेल हे सध्यातरी माहीत नाही. हे TNGA-C प्लॅटफॉर्मवर तयार केले जाईल आणि टोयोटाच्या बिदादी प्लांटमध्ये तयार केले जाईल. नवीन मारुती एमपीव्ही हे कंपनीचे सर्वात महागडे मॉडेल असेल.
असे असणार नवीन मारुती MPV चे डिझाईन
या कारमध्ये ट्रिपल एलईडी डीआरएल सेट उपलब्ध असेल. याशिवाय, यात क्रोम फिनिश ग्रिल, एलईडी हेडलाइट, फ्लेर्ड व्हील आर्च, एलईडी टेललाइट आणि 18-इंच अलॉय व्हील असतील.
नवीन मारुती MPV चे इंटीरियर
नवीन मारुती कारचे इंटीरियर इनोव्हा हायक्रॉस सारखे असेल. यात ड्युअल-टोन डॅशबोर्ड, पॅनोरामिक सनरूफ आणि आरामदायी सीट मिळतील. वैशिष्ट्यांच्या बाबतीत, ते 10.1-इंच इंफोटेनमेंट सिस्टम आणि मल्टी-झोन क्लायमेट कंट्रोलने सुसज्ज असेल. प्रवाशांच्या सुरक्षेसाठी यामध्ये ADAS (Advanced Driver Assist System) आणि 6 एअरबॅग मिळतील.
नवीन मारुती एमपीव्ही इंजिन
मारुती सुझुकीची नवीन एमपीव्ही दोन इंजिन पर्यायांसह खरेदी केली जाऊ शकते. यापैकी एक 2.0-लिटर पेट्रोल इंजिन असेल, जे CVT गिअरबॉक्सशी जोडले जाईल. हा सेटअप 174hp पॉवर आणि 197Nm टॉर्क जनरेट करतो. दुसरे हायब्रिड सेटअप असलेले 2.0-लिटर इंजिन असेल, जे ई-CVT गिअरबॉक्सशी जोडलेले असेल. त्याचे पॉवर आउटपुट 186hp आणि 187Nm असेल.
नवीन मारुती MPV किंमत
मारुती सुझुकीची ही नवीन MPV येत्या काही महिन्यांत लॉन्च होऊ शकते. त्याची एक्स-शोरूम किंमत सुमारे 18 लाख रुपयांपासून सुरू होऊ शकते.