मुलाचा हट्ट, नांदेडच्या मेकॅनिक बापाचा भन्नाट जुगाड, भंगारातील सामानापासून टकाटक बाईक
लहान मुलं नेहमीच आपल्या आई-वडिलांकडे वेगवेगळे हट्ट करत असतात. आई-वडिलांची आर्थिक परिस्थिती कशीही असो, ते आपल्या मुलांचे हट्ट पुरवण्याचा नेहमीच प्रयत्न करतात. नांदेडमधल्या एका मेकॅनिकने आपल्या मुलाचा हट्ट पुरवण्यासाठी चक्क भंगारातलं साहित्य वापरुन जब्बरदस्त मोटारसायकल बनवली आहे.
लहान मुलं नेहमीच आपल्या आई-वडिलांकडे वेगवेगळे हट्ट करत असतात. आई-वडिलांची आर्थिक परिस्थिती कशीही असो, ते आपल्या मुलांचे हट्ट पुरवण्याचा नेहमीच प्रयत्न करतात. नांदेडमधल्या एका मेकॅनिकने आपल्या मुलाचा हट्ट पुरवण्यासाठी चक्क भंगारातलं साहित्य वापरुन जब्बरदस्त मोटारसायकल बनवली आहे.
नांदेडच्या हिमायतनगर तालुक्यातील सोनारी फाटा येथील उमेश महाजन यांनी जुगाड करून आपल्या मुलासाठी मोटारसायकल बनवली आहे. उमेश महाजन हे मागील काही वर्षापासून हिमायतनगरमध्ये मोटरसायकल दुरुस्तीचे काम करतात.
महाजन यांच्या मुलाने 'बाबा मला पण गाडी पाहिजे' असा हट्ट धरला होता आणि त्यासाठी वडिलांनी भंगारातील साहित्य वापरुन मोटारसायकल बनवली आहे.
ही मोटारसायकल बनवण्यासाठी महाजन यांना 10 ते 12 हजार रुपये खर्च आला असून, ही मोटारसायकल एक लिटर पेट्रोलमध्ये 50 ते 55 किलोमीटर धावते.
ही गाडी पाहण्यासाठी पाहण्यासाठी परिसराती नागरिक मोठ्या प्रमाणात येत आहेत. महाजन यांनी पेट्रोल र चालणारी गाडी बनवली असून, या पुढे प्रदूषण होणार नाही आणि पैश्याची बचत होईल या संकल्पनेवर ई-सायकल बनवण्याची संकल्पना असल्याचे त्यांनी सांगितले.
