भारतात पांढऱ्या रंगाच्या कारला का आहे सर्वाधीक मागणी? तुम्हाला माहित आहे का यामागचे कारण?
नुकताच एक अहवाल आला होता ज्यामध्ये 2022 साली 43 टक्के भारतीयांनी पांढऱ्या रंगाची कार खरेदी केली होती.
मुंबई : सहसा लोकं जेव्हा कार खरेदी करायला जातात तेव्हा सर्वप्रथम कोणत्या रंगाची गाडी घ्यायची, कोणता रंग स्टाईलिश तसेच आकर्षक दिसेल याचा विचार करतात. नुकताच एक अहवाल आला होता ज्यामध्ये 2022 साली 43 टक्के भारतीयांनी पांढऱ्या रंगाची कार (White Car) खरेदी केली होती. अशा परिस्थितीत आता प्रश्न पडतो की लोकांना पांढऱ्या रंगाची कार सर्वाधिक का आवडली?
या रंगाच्या वाहनांना आहे सर्वाधीक पसंती
अभ्यासानुसार पांढऱ्या व्यतिरिक्त लोकांना सर्वात जास्त आवडलेला रंग राखाडी म्हणजेच ग्रे आहे. हा रंग हलका असल्याने आणि सुंदर दिसत असल्याने लोकांना ते अधिक आवडतात. याशिवाय भारतीयांना सिल्व्हर कलरची कारही खूप आवडली. सुमारे 15-15 टक्के ग्राहकांनी या रंगांच्या कार खरेदी केल्या.
इतर लोकप्रिय कारमध्ये लाल रंगाची कार 9 टक्के, निळ्या रंगाची कार 7 टक्के, तर काळ्या रंगाची कार केवळ 3 टक्के लोकांनी खरेदी केल्याचे अहवालात नमूद करण्यात आले आहे. भारतात पांढऱ्या रंगाची छोटी वाहने सर्वाधिक खरेदी केली जातात. याचे पांढऱ्या रंगाची वाहने भारतात सर्वाधिक विकली जातात कारण येथील हवामान खूप उष्ण आहे आणि पांढरी वाहने सहजासहजी गरम होत नाहीत. गाडी धुतल्यावर स्वच्छ चकाचक अशी एकाच रंगाची गाडी पाहायला मिळते .ती म्हणजे पांढऱ्या. स्वच्छतेचे प्रतिक असल्याने पसंतीस पडत असावी.
रिसेल किंमत
इतर रंगांच्या तुलनेत पांढऱ्या रंगाच्या वाहनांना रिसेल किंमत जास्त असते. या कारणामुळे अनेकजण पांढऱ्या रंगाची कार घेण्याला प्राधान्य देतात. याशिवाय पांढऱ्या रंगावर रेघोट्या उठून दिसत नाही. तसेच पेंटला टच अप करण्याचा खर्चसुद्धा कमी येतो.