महिना 50 हजार पगारावर किती टॅक्स? 1 लाख कमविणाऱ्यासाठी कोणती कर प्रणाली ठरणार फायद्याची

किती द्याव लागेल कर

अर्थमंत्री निर्मला सीतारमण यांनी मंगळवारी 23 जुलै रोजी बजेट सादर केले. त्यात कर सवलतीची माहिती दिली. कर स्लॅबमध्ये बदलाची घोषणा केली. स्टँडर्ड डिडक्शन, मानक वजावट आता 50 हजाराहून 75 हजार रुपये वार्षिक करण्याची घोषणा केली. हा बदल नवीन कर प्रणालीसाठी लागू होईल. त्यामुळे अनेकांना अजूनही प्रश्न आहे की, त्यांचा मासिक पगार 50 हजार अथवा एक लाख रुपये पगार असेल तर त्यांना किती कर लागेल? जुनी कर प्रणाली की नवीन कर रचना यापैकी कोणती एक निवडावी, म्हणजे तुमचा फायदा होईल, चला तर जाणून घेऊयात…

सर्वात अगोदर एक गोष्ट लक्षात घ्या की नवीन कर प्रणाली ही डिफॉल्ट आहे. म्हणजे एकदा ती निवडली की तर तुम्हाला जुनी कर रचना निवडता येणार नाही. नवीन कर प्रणाली लागू राहील. तुमचा पगार 50 हजार रुपये असेल तर मग चिंतेची बाब नाही, कारण तुमचा वार्षिक पगार केवळ 6 लाख रुपये आहे. तुमची गुंतवणूक वा इतर उत्पन्न त्यात ग्राह्य धरण्यात आले नाही. तुम्ही कर श्रेणीत येणार नाहीत.

1 लाख पगारासाठी कोणती कर प्रणाली योग्य?

महिन्याला 1 लाख पगार असेल तर नवीन कर प्रणाली की जुनी कर प्रणाली योग्य राहिल, असा प्रश्न पडतो. जर तुम्हाला एक लाख रुपयाचा पगार असेल आणि एक पण रुपया कर भरायचा नसेल तर करदात्यांना जुनी कर प्रणाली निवडावी लागेल. त्यासाठी तुम्हाला मात्र गृहकर्ज, मेडिक्लेम पॉलिसी आणि इतर काही कर सवलतीच्या गुंतवणूक योजना माहिती असणे आवश्यक आहे.

एक लाखावर नका भरु आयकर

1. गुंतवणूक आणि रीईम्बर्समेंटवर कर सवलतीचा दावा करावा लागेल

2. कन्वेंस, एलटीए, इंटरटेनमेंट, ब्रॉडब्रँड बिल, पेट्रोल बिल, फूड कुपन्सचा वापर

3. HRA चा फायदा घेता येईल. मेट्रो शहरासाठी 50 तर निम्न शहरासाठी 40 टक्के एचआरए क्लेम करता येतो.

4. पीपीएफ, ईपीएफ, ईएलएसएस, एनएससी सारख्या गुंतवणुकीवर कलम 80 सी अंतर्गत 1.5 लाखांची कर बचत होईल.

5. नॅशनल पेमेंट सिस्टममध्ये (NPS) वार्षिक 50 हजार रुपयांपर्यंत गुंतवणूक केल्यास कलम 80CCD(1B) अंतर्गत अतिरिक्त 50 हजार रुपये कर सवलत मिळेल.

6. आयकर अधिनियम कलम 80D अंतर्गत आरोग्य विम्यातंर्गत 25 हजार रुपयांपर्यंत बचत होईल. पण त्यात पती,पत्नी आणि मुलांचे नाव असणे आवश्यक आहे. तर आई-वडिलांच्या आरोग्य विमा खरेदीवर 50 हजारांपर्यंत अतिरिक्त सवलत मिळते.

7. 5 वर्षांच्या उत्पन्नावर नियम 87A अंतर्गत 12,500 रुपयांचा टॅक्स रिबेट मिळतो. त्याचा वापर केल्यास 12 लाख रुपयांपर्यंतचे उत्पन्न कर मुक्त होऊ शकते. पण त्यासाठी योग्य तज्ज्ञा सल्ला आवश्य घ्या.