Mukesh Ambani : दिवाळीत धन धना धन; मुकेश अंबानी यांच्या कंपनीची जोरदार ऑफर, घर बसल्या केवळ 10 रुपयांत खरेदी करा सोनं

मुकेश अंबानी यांची धमाकेदार ऑफर

आज देशभरात धनत्रयोदशी मोठ्या उत्साहात साजरी होत आहे. दिवाळी सणाला सुरुवात झाली आहे. सराफा बाजारात सणासुदीलाच सोने आणि चांदीचा भाव घसरल्याने ग्राहकांचा उत्साह दिसून येत आहे. बेशकिंमती धातुंचे दर तसे चढेच आहेत, तरीही मागणीत कमी आलेली नाही. काही कंपन्या ग्राहकांना घरबसल्या सोन्यात गुंतवणुकीचा पर्याय देत आहेत. यामध्ये मुकेश अंबानी यांची जिओ फायनान्स ही कंपनी पण मागे नाहीत. सध्या युपीआय प्लॅटफॉर्मपासून ते ॲप्सपर्यंत सोन्यात गुंतवणुकीचे अनेक पर्याय आहेत. त्यात Jio Finance केवळ 10 रुपयांमध्ये डिजिटल गोल्ड खरेदीचा (Digital Gold) पर्याय देते.

मुकेश अंबानी यांच्या कंपनीची धमाकेदार ऑफर

रिलायन्स इंडस्ट्रीजचे चेअरमन मुकेश अंबानी यांची कंपनी Jio Finance ने स्मार्ट गोल्ड योजना लाँच केल आहे. यामध्ये ग्राहकांना केवळ 10 रुपयांत डिजिटल गोल्ड खरेदीची संधी आहे. अंबानी यांची कंपनीने दिवाळीच्या सुरुवातीलाच धनत्रयोदशीला या धमाकेदार योजनेची सुरूवात केली आहे. डिजिटल गोल्डसाठी ग्राहकांसाठी कंपनीने खास ऑफर आणली आहे.

या सोन्याच्या गुंतवणुकीत ग्राहक त्याच्याकडील स्मार्ट गोल्ड युनिट कोणत्याही वेळी, रोख रक्कमेत, सोन्याच्या शिक्क्यात वा सोन्याच्या आभूषण, दाग-दागिन्यात बदलवू शकतो. या योजनेचे वैशिष्ट्ये म्हणजे ग्राहकांना या योजनेत हजारो वा लाखो रुपये गुंतवणुकीची गरज नाही. केवळ 10 रुपयांत ग्राहक या योजनेत गुंतवणूक करू शकतो.

चोरीची कोणतीही भीती नाही

स्मार्टगोल्ड योजनेत सोनं चोरी होण्याची कोणतीही भीती नसते. डिजिटल गोल्ड जवळ बाळगण्याची गरज नाही. ते हरवण्याची भीती नाही. तसेच ते लॉकरमध्ये ठेऊन, त्यापोटी बँकेला पैसे मोजण्याची गरज नाही. चोरी होण्याची भीती नाही, हा एक मोठा फायदा आहे. तुम्ही खरेदी केलेले सोने हे 24 कॅरेट असते. ते इंश्योर्ड वॉल्टमध्ये ठेवण्यात येते. बाजारातील त्यावेळेच्या किंमतीनुसार त्याची विक्री करता येते.

सोन्यात गुंतवणुकीचे दोन पर्याय

Jio Finance App वर स्मार्टगोल्ड योजेत सोन्यात गुंतवणुकीसाठी कंपनीकडून ग्राहकांना दोन पर्याय देण्यात आले आहेत. यामध्ये तुम्ही गुंतवणुकीची रक्कम निश्चित करून सोने खरेदी करू शकता. पण फिजिकल गोल्डची डिलिव्हरी केवळ 0.5 ग्रॅम अथवा त्यापेक्षा अधिक गुंतवणुकीवरच करण्यात येणार आहे. 0.5 ग्रॅम, 1 ग्रॅम, 2 ग्रॅम, 5 ग्रॅम आणि 10 ग्रॅम मूल्यवर्गात सोन्यात गुंतवणुकीचा पर्याय उपलब्ध आहे. ग्राहक जिओ फायनान्स अॅप्सवर थेट सोन्याचे शिक्के खरेदी करून होम डिलिव्हरीची सुविधा मिळवू शकतात.