Gold Silver Rate Today 12 June 2024 : सोन्याने दामटले दरवाढीचे घोडे, चांदीने घेतली माघार, अशी आहे किंमत
Gold Silver Rate Today 12 June 2024 : तीन दिवसांच्या ब्रेक नंतर सोन्याने उचल खाल्ली. सोने महाग झाले. तर चांदीत मोठी घसरण झाली. गेल्या तीन दिवसांत चांदी किंचित वधारली होती. चांदी आता 90 हजारांच्या खाली उतरली आहे. काय आहेत मौल्यवान धातूंचा भाव?
गेल्या तीन दिवसांच्या उतरणीला सोन्याने ब्रेक दिला. सोन्याचा भाव वधारला. ग्राहकांच्या खिशावर त्यामुळे ताण येणार आहे. चांदीच्या किंमतीत मंगळवारी वाढ झाली होती. त्यात आता घसरण झाली आहे. चांदी स्वस्त झाली आहे. गेल्या काही दिवसांपासून सुरु असलेल्या घसरणीमुळे चांदी 90 हजारांच्या खाली उतरली आहे. ग्राहकांना चांदीत गुंतवणूक करण्याची संधी आहे. या आठवड्याच्या सुरुवातीला किंमतीत मोठा बदल दिसला नाही. आता सोने महागले तर चांदी स्वस्त झाली आहे. अशा आहेत मौल्यवान धातूच्या किंमती? (Gold Silver Price Today 12 June 2024 )
सोन्यात झाली वाढ
गेल्या आठवड्यात सोने 1700 रुपयांनी महागले होते. 8 जून रोजी किंमती उतरल्यानंतर त्यात बदल झाला नव्हता. आता सोने वधारले आहे. त्यानंतर किंमतीत कोणताच बदल झाला नाही. 11 जून रोजी सोने 170 रुपयांनी वधारले. गुडरिटर्न्सनुसार, आता 22 कॅरेट सोने 66,000 रुपये प्रति 10 ग्रॅम तर 24 कॅरेट सोन्याचा भाव 71,990 रुपये प्रति 10 ग्रॅम आहे.
चांदीत मोठी घसरण
गेल्या आठवड्यात चांदीने 5500 रुपयांची उसळी घेतली. पण 8 जून रोजी चांदी 4500 रुपयांनी दणकन आपटली होती. त्यानंतर 10 जून रोजी चांदीत200 रुपयांनी वधारली. तर मंगळवारी 11 जून रोजी चांदी 1200 रुपयांनी घसरली. गुडरिटर्न्सनुसार, एक किलो चांदीचा भाव 90,500 रुपये आहे.
14 ते 24 कॅरेटचा भाव काय
इंडियन बुलियन्स अँड ज्वेलर्स असोसिएशननुसार (IBJA), सोने वधारले आणि चांदी घसरली. 24 कॅरेट सोने 71,445 रुपये, 23 कॅरेट 71,159 रुपये, 22 कॅरेट सोने 65,444 रुपये झाले. 18 कॅरेट 53,584 रुपये, 14 कॅरेट सोने 41,795 रुपये प्रति 10 ग्रॅमवर पोहचले. एक किलो चांदीचा भाव 87,708 रुपये झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.
किंमती मिस्ड कॉलवर
22 कॅरेट आणि 18 कॅरेट सोने खरेदी करण्यापूर्वी त्याच्या किंमती एका मिस्ड कॉलवर कळतील. तुम्ही 8955664433 या क्रमांकावर मिस्ड कॉल करु शकता. त्यानंतर तुमच्या मोबाईल क्रमांकावर एसएमएस (SMS) येईल. त्याआधारे तुम्हाला किंमती कळतील. तसेच भाव जाणून घेण्यासाठी तुम्ही www.ibja.co वा ibjarates.com या ठिकाणी माहिती घेऊ शकता.