Gold Silver Rate Today 16 November 2024 : आठवड्याच्या अखेरीस सोन्याची दरवाढीची धडपड, चांदीत घसरण, काय आहेत भाव

सोने आणि चांदी भाव

या आठवड्यात सोने आणि चांदीने ग्राहकांना मोठा दिलासा दिला. गेल्या 15 दिवसांत सोन्यात 5 हजारांची तर चांदीत 11 हजारांची घसरण झाली. ग्राहकांची त्यामुळे सराफा बाजारात तोबा गर्दी झाली. ग्राहकांनी बाजारात भांगडा केला. अमेरिकेमधील घडामोडींचा जागतिक व्यापार आणि बाजारावर मोठा परिणाम झाला. दक्षिण पूर्व आशियातून मौल्यवान धातुची मागणी घटली. त्याचा सकारात्मक परिणाम दिसला. तर जगातील दोन युद्ध थांबवण्यासाठी प्रयत्न करण्यात येणार आहे. जागतिक गुंतवणूकदार आता पुन्हा शेअर बाजार, क्रिप्टो आणि इतर पर्यायाकडे वळत आहे. सोने आणि चांदीत अजून घसरण अपेक्षित आहे. या आठवड्यात सोने आणि चांदीला सूर गवसला नाही. अखेरच्या सत्रात सोन्याने दरवाढीची खेळी खेळली. दरवाढीसाठी सोन्याने धडपड केली. तर चांदीत नरमाई आहे. सराफा बाजारात अशी आहे मौल्यावान धातुची किंमत (Gold Silver Price Today 16 November 2024 )

अखेरच्या सत्रात दरवाढीची धडपड

या आठवड्यात सोने 1300 रुपयांनी स्वस्त झाले. आठवड्याच्या सुरुवातीला 11 नोव्हेंबर रोजी 600 रुपये, मंगळवारी 147 रुपयांनी तर 13 नोव्हेंबर रोजी 440 रुपयांनी दर उतरला. गुरुवारी सोने 120 रुपयांनी स्वस्त झाले. शुक्रवारी सोने 110 रुपयांनी वधारले. गुडरिटर्न्सनुसार, आता 22 कॅरेट सोने 69,600 रुपये प्रति 10 ग्रॅम तर 24 कॅरेट सोन्याचा भाव 75,910 रुपये प्रति 10 ग्रॅम आहे.

चांदीत 5 हजारांची घसरण

गेल्या आठवड्यात चांदीचा नरमाईचा सूर होता. या आठवड्यात चांदी 5 हजारांनी स्वस्त झाली. आठवड्याच्या सुरुवातीला 11 नोव्हेंबर रोजी भाव 1 हजारांनी उतरला. मंगळवारी चांदी 2 हजारांनी तर 14 नोव्हेंबर रोजी चांदी 1500 रुपयांनी स्वस्त झाली. काल भाव बदलला नाही.
गुडरिटर्न्सनुसार, एक किलो चांदीचा भाव 89,500 रुपये इतका आहे.

14 ते 24 कॅरेटचा भाव काय

आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 73,739, 23 कॅरेट 73,444, 22 कॅरेट सोने 67,545 रुपयांवर आहे. 18 कॅरेट आता 55,304 रुपये, 14 कॅरेट सोने 43,137 रुपये प्रति 10 ग्रॅमवर आहे. एक किलो चांदीचा भाव 87,103 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.