Gold Silver Rate Today 22 December 2024 : सोने-चांदीची स्वस्ताई, आठवड्याच्या अखेरीस अशा कमी झाल्या किंमती

सोने आणि चांदीची किंमत

या दोन आठवड्यात सोने आणि चांदीत मोठी पडझड झाली. गेल्या आठवड्यात जितकी किंमत वाढली, तितकीच त्यात घसरण झाली. तर या आठवड्यात घसरणीचे सत्र दिसून आले. वर्षाअखेरीस या मौल्यवान धातुत अजून किती घसरण होते हे लवकरच समोर येईल. तर काही तज्ज्ञ दोन्ही धातुत वाढ होण्याची शक्यता वर्तवत आहेत. या दोन आठवड्यात सोने जवळपास तीन हजारांनी स्वस्त झाले. तर चांदीत मोठी घसरण दिसली. चांदी 7 हजारांनी उतरली. आता अशा आहेत या बेशकिंमती धातुच्या किंमती (Gold Silver Price Today 21 December 2024 )

सोन्यात मोठी पडझड

गेल्या आठवड्यात सोन्याने 1700 रुपयांची दरवाढ नोंदवली होती. तर किंमती 1600 रुपयांनी उतरल्या होत्या. या आठवड्यात सोने 1200 रुपयांनी उतरले. मंगळवारी सोने 110 रुपयांनी वधारले, बुधवारी त्यात 160 रुपयांची घसरण आली. गुरुवारी सोने 710 रुपयांनी स्वस्त झाले. तर 20 डिसेंबर रोजी 330 रुपयांनी किंमती उतरल्या. काल भाव जैसे थे होते. गुडरिटर्न्सनुसार, आता 22 कॅरेट सोने 70,550 रुपये प्रति 10 ग्रॅम तर 24 कॅरेट सोन्याचा भाव 76,950 रुपये प्रति 10 ग्रॅम आहे.

चांदीत स्वस्ताई

गेल्या आठवड्यात चांदी 5,500 रुपयांनी वधारली होती. तर 5 हजारांनी स्वस्त झाली होती. या आठवड्याच्या सुरुवातीला किंमतीत बदल झाला नाही. अखेरच्या टप्प्यात गुरुवारी आणि शुक्रवारी सलग दोन दिवस एकूण दोन हजारांनी किंमत उतरली. गुडरिटर्न्सनुसार, एक किलो चांदीचा भाव 90,500 रुपये इतका आहे.

14 ते 24 कॅरेटचा भाव काय

आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 75,377, 23 कॅरेट 75,075, 22 कॅरेट सोने 69,045 रुपयांवर आहे. 18 कॅरेट आता 56,533 रुपये, 14 कॅरेट सोने 44,096 रुपये प्रति 10 ग्रॅमवर आहे. एक किलो चांदीचा भाव 85,133 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.