चला मग सोने खरेदीला, इतके उतरले भाव, चांदीत किलोमागे इतकी झाली घसरण

सोने आणि चांदीने घेतली उसळी

मार्च महिन्यात सोने आणि चांदीने मोठी भरारी घेतली. सुरुवातीच्या दहा दिवसांत मौल्यवान धातू चमकले होते. तर मध्यंतरी दोन आठवड्यात दरवाढीला ब्रेक लागला. गेल्या आठवड्यात सोने आणि चांदीने पुन्हा भरारी घेतली. 21 मार्च रोजी कमाल उसळी घेतली. गेल्या आठवड्यात सोन्यात 1500 रुपयांची तर चांदीत 2800 रुपयांची वाढ दिसून आली होती. या आठवड्याची सुरुवात अजून तरी दणक्यात झाली नाही. सोमवार, मंगळवारी किंमतीत पडझड दिसून आली. सोने आणि चांदीचा (Gold Silver Price Today 27 March 2024) आता असा आहे भाव?

सोन्यात पडझड

गेल्या आठवड्यात गुरुवारी, 21 मार्च रोजी 1,000 रुपयांच्य उसळीमुळे 10 ग्रॅम सोन्याचा भाव 67,000 रुपयांच्या घरात पोहचला होता. त्यानंतर भाव उतरले. हा ट्रेंड या आठवड्याच्या सुरुवातीच्या दोन दिवसांत पण दिसून आला. सोन्यात सोमवारी कोणताच बदल दिसला नाही. तर 26 मार्च रोजी सोन्यात 100 रुपयांची घसरण दिसून आली. गुडरिटर्न्सनुसार, आता 22 कॅरेट सोने 61,300 रुपये प्रति 10 ग्रॅम तर 24 कॅरेट सोन्याचा भाव 66,860 रुपये प्रति 10 ग्रॅम आहे.

चांदीत चढउतार

गेल्या आठवड्यात 21 मार्च रोजी चांदी 1500 रुपयांनी वधारली. त्यानंतर चांदीत नरमाई आली. दुसऱ्याच दिवशी चांदीत 2000 रुपयांची स्वस्ताई आली. या आठवड्यात सोमवारी चांदी 300 रुपयांनी वधारली. तर मंगळवारी 26 मार्च रोजी तितकीच घसरण झाली. गुडरिटर्न्सनुसार, एक किलो चांदीचा भाव आता 77,500 रुपये आहे.

14 ते 24 कॅरेटचा भाव काय

इंडियन बुलियन्स अँड ज्वेलर्स असोसिएशननुसार (IBJA), सोने आणि चांदी वधारली. 24 कॅरेट सोने 66,716 रुपये, 23 कॅरेट 66,449 रुपये, 22 कॅरेट सोने 61,112 रुपये झाले.18 कॅरेट 50037 रुपये, 14 कॅरेट सोने 39,029 रुपये प्रति 10 ग्रॅमवर पोहचले. एक किलो चांदीचा भाव 74,279रुपये झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

मेकिंग चार्ज कसा होतो निश्चित

ज्वेलरी डिझाईन तायर करण्यासाठी जितका वेळ लागतो, त्या हिशोबाने मेकिंग चार्ज लागतो. सोने किलोच्या मात्रेने बाहेर येते. त्यानंतर दुकानदार, कारागिर, या सोन्यापासून विविध दागिन्यांच्या डिझाईन तयार करतात. ज्यामध्ये 10 ते 30 टक्क्यांपर्यंत मेकिंग चार्ज, घडवणीचे शुल्क आकारण्यात येते. दागिने तयार करताना त्यावर किती सुबकपणे डिझाईन तयार करण्यात आली आहे. किती खुबीने दागिने तयार करण्यात आले आहे. त्यावर हे शुल्क आाकारण्यात येते. जितके आकर्षक, चित्तवेधक आणि बाराकाईने डिझाईन तयार करण्यात येते. तेवढाच त्यावरील मेकिंग चार्ज जास्त असतो. साधारण डिझाईन असेल तर कमी शुल्क आकारण्यात येते.