Multibagger Stock : 10 हजाराचे पाहता पाहता 33 लाख; कंपनीवर फारसं कर्ज पण नाही, गुंतवणूकदार म्हणाले अगोदर कसं कळलं नाही
Multibagger Stock Return : बाजारात चढउताराचे सत्र सुरू असताना या शेअरने बाजारात धुमाकूळ घातला आहे. या शेअरने गुंतवणूकदारांना बंपर फायदा करून दिला. 5 वर्षांपूर्वी या शेअरमध्ये 10,000 रुपयांची गुंतवणूक केली असती तर आज 33,00,000 लाख रुपयांचा परतावा मिळाला असता.
BSE वरील सुचीबद्ध कंपनी Hazoor Multi Projects ने कमाल केली. या शेअरने दमदार कामगिरी बजावली. जोरदार परतावा दिला. स्मॉल कॅप प्रकारात ही कंपनी मोडते. हजूर मल्टि प्रोजेक्ट्स कंपनीने 5 वर्षांत 10,000 रुपयांचा 33,00,000 लाख रुपये इतका परतावा दिला. या कंपनीकडे देशातंर्गत गुंतवणूकदारांच्या उड्या पडल्या आहेत. हा शेअर गेल्या काही वर्षांपासून चर्चेत आहे. ज्यांनी लवकर गुंतवणूक केली आणि स्टॉक होल्ड करून ठेवला. त्यांना मोठा फायदा झाला आहे.
नवीन शेअर बाजारात आणणार
17 डिसेंबर 2024 रोजी Hazoor Multi Projects ची बैठक झाली. यामध्ये कंपनीने निधी जमवण्याची योजना आखली आहे. त्यानुसार, 30 रुपये प्रति शेअर (1 रुपये फेस वॅल्यू आणि 29 रुपये प्रिमियम) वर 22,22,220 नवीन इक्विटी शेअर आणण्यास मंजूरी देण्यात आली आहे. हे शेअर 2,22,222 वॉरंट्सच्या 10 पट इक्विटी शेअरमध्ये बदलण्यात आल्यानंतर देण्यात येतील. पूर्वी हे वॉरंट 300 रुपये प्रति दराने जाहीर झाले होते.
Hazoor Multi Projects Ltd च्या शेअरची कामगिरी
Hazoor Multi Projects चा शेअर आज बुधवारी सकाळच्या सत्रात 0.89 टक्क्यांनी तेजीत होता. हा शेअर आता दुपारी 15:32 वाजता, 52.23 रुपयांच्या उतरणीवर होता. गेल्या आठवडाभरात हा शेअर 7 टक्क्यांनी घसरला. एका महिन्यात हा शेअर 3.45 टक्क्यांच्या तेजीत आहे. तर एका वर्षात या शेअरने गुंतवणूकदारांना 86 टक्क्यांचा परतावा दिला. ऑक्टोबर 2020 मध्ये हा शेअर 15 पैशांवर व्यापार करत होता. एकाच वर्षात या शेअरने 28.23 रुपये निच्चांकी आणि 63.90 च्या उच्चांकी कामगिरी बजावली. जर पाच वर्षांपूर्वी या शेअरमध्ये 10 हजारांची गुंतवणूक केली असती तर आज हा परतावा 33,00,000 लाख रुपये इतका असता.
West Midlands Ventures Pvt. Ltd ला दिले शेअर
कंपनीने West Midlands Ventures Pvt. Ltd ला शेअर वाटप केले होते. हा गुंतवणूकदार त्यांच्या प्रमोटर समूहात नाही. या कंपनीने 75 टक्के रक्कम जमा केली आहे. 225 रुपये प्रति वॉरंट ही रक्कम मोजण्यात आली.
शेअर फंडामेंटल काय?
आजपर्यंत या कंपनीचे मार्केट कॅप 1,046 कोटी रुपये आहे.
या शेअरचा PE Ratio 1.49 इतका तर रिटर्न ऑन इक्विटी ( ROE ) 21.90 टक्के इतका आहे.
शेअरची बुक व्हॅल्यू 19.32 रुपये आहे. म्हणजे शेअर त्याच्या बुक व्हॅल्यूच्या 2.77 पट दराने व्यापार करत आहे.
या कंपनीवर अगदी नगण्य कर्ज आहे. या शेअरचा फेस व्हॅल्यू 1 रुपये इतका आहे.
सूचना : हा शेअरचा केवळ लेखाजोखा आहे. या शेअरची कामगिरी आहे. गुंतवणूक करण्यापूर्वी तुम्ही प्रमाणित गुंतवणूक सल्लागाराकडून सल्ला आवश्य घ्या. तुमचा कोणत्या ही प्रकारचा फायदा अथवा नुकसानीला TV9 मराठी जबाबदार नसेल. पेनी शेअरमध्ये गुंतवणूक करताना जागरुक राहा. कंपनीचे फंडामेंटल तपासा. भूलथापांना अजिबात बळी पडू नका.