Economy : जे बात, आता लक्ष्य तिसरी महासत्ता, जपानला ही टाकणार भारत मागे.. या जागतिक संस्थेला विश्वास..
Economy : जगावर मंदीचे सावट असताना भारतीय अर्थव्यवस्था काही थांबायचं नाव घेत नाहीये..
नवी दिल्ली : द ग्रेट ब्रिटेनला (Britain) बाहेरचा रस्ता दाखवत भारताने जागतिक अर्थव्यवस्थेत (World Economy) पाचवे स्थान पटकावलं ही बातमी काही अगदीच जूनी झाली नाही. सध्याच्या विकास दराचा (Growth Rate) विचार करता भारत लवकरच जर्मनी (Germany) आणि जपानला (Japan) मागे टाकणार असा दावा करण्यात येत आहे. हा दावा भारतीय संस्थेने नाही तर जागतिक पातळीवरील मोठ्या संस्थेने केल्याने सर्वच देशांच्या भुवया ताणल्या गेल्या आहेत.
भारत 2027 मध्ये जर्मनी आणि 2029 मध्ये जापानच्याही पुढे निघून जाईल असा अंदाज आंतरराष्ट्रीय नाणेनिधीने (IMF) वर्तविला आहे. जपान सध्या जगातील तिसरी आर्थिक महासत्ता आहे. जपानला मागे टाकत भारत येत्या पाच वर्षांत तिसरी आर्थिक महासत्ता होईल असा दावा नाणेनिधीने केला आहे.
भारतीय स्टेट बँकेच्या रिसर्चनुसार, यावर्षाच्या तिमाहीत विकास दर 13.5% टक्के राहिला आहे. या दराच्याआधारे भारत या आर्थिक वर्षात सर्वात गतीने वाढणारी अर्थव्यवस्था असेल. पूर्व मुख्य आर्थिक सल्लागार डॉ. अरविंद विरमानी यांनीही या विकास दरावर शिक्कामोर्तब केले आहे.
विकसीत जगतावर सध्या रशिया-युक्रेन युद्धाचा मोठा परिणाम दिसून येत आहे. त्यामुळे या विकसीत राष्ट्रांवर मंदीचे सावट असून अनेक देशात महागाईने उच्चांक मोडीत काढले आहेत.अशा काळातही भारतीय अर्थव्यवस्था मात्र गतीने पुढे सरकत आहे.
IMF ने जगातील अनेक अर्थव्यवस्थांचा विकास दर (Economic Growth Rate Projection) कमी केलेला आहे.पण भारतीय अर्थव्यवस्था (Indian Economy) संकटांचा सामना करताना 6.8 टक्क्यांचे लक्ष्य सहज गाठले असा विश्वास IMF ला वाटत आहे. सध्याचा भारताचा विकास दर चीनपेक्षा जास्त आहे.
भारताची गती पाहता 2028-30 पर्यंत भारत जगात तिसरी आर्थिक महासत्ता होईल, असा कयासच नाही तर दावा करण्यात येत आहे. 2014 मध्ये भारतीय अर्थव्यवस्था दहाव्या स्थानी होती. IMF च्या दाव्यानुसार, भारतीय अर्थव्यवस्था 2025-26 मध्ये जर्मनी इतकी मोठी होईल आणि तिला ही मागे टाकेल.
