दिवाळीच्या आधीच ‘या’ कंपनीच्या कर्मचाऱ्यांचे निघणार दिवाळे! शेकडो कर्मचाऱ्यांच्या रोजगारावर लटकटी तलवार!
Ola कंपनी आपल्या शेकडो कर्मचाऱ्यांना कामावरून कमी करण्याच्या तयारीत आहे. दिवाळीच्या आधी हा निर्णय घेण्याची शक्यता आहे. यामागचे नेमके कारण काय आहे हे जाणून घेऊया.
बंगरुळू, टॅक्सी व्यवसायातील अग्रगण्य कंपनी ओलाशी (Ola) संबंधित एक मोठी बातमी समोर आली आहे, मीडिया रिपोर्ट्समधून मिळालेल्या माहितीनुसार, कर्मचारी कपातीचा (Staff Reduction) परिणाम ओला कंपनीवरही पाहायला मिळणार आहे. असे म्हटले जात आहे की, कंपनी आपल्या सॉफ्टवेअर टीममध्ये काम करणाऱ्या 200 कर्मचाऱ्यांना कामावरून कमी करू शकते. कंपनीचे हे मोठे पाऊल उचलण्यामागे काय कारण आहे, चला जाणून घेऊया.
मिळालेल्या माहितीनुसार कर्मचारी कपातीमागचे मुख्य कारण काही काळापूर्वी लॉन्च झालेल्या Ola S1 Pro इलेक्ट्रिक स्कूटरची घसरलेली विक्री असल्याचे सांगितल्या जात आहे. सूत्रांच्या मते Ola आपल्या सॉफ्टवेअर टीममधून सुमारे 200 कर्मचाऱ्यांना काढून टाकण्याच्या तयारीत आहे.
कंपनीचे काय म्हणणे आहे
या बाबतीत, ओलाचे प्रवक्ते म्हणतात की, ओला इलेक्ट्रिक ही भारतातील सर्वात मोठी ईव्ही कंपनी आहे आणि कंपनीचे लक्ष विक्री, वाहन, बॅटरी ऑटोमेशन, उत्पादन आणि स्वायत्त अभियांत्रिकी यासारख्या गोष्टींवर आहे. याशिवाय कंपनी नॉन-सॉफ्टवेअर इंजिनीअरिंग डोमेनवरही लक्ष केंद्रित करत आहे.
ओला कंपनीमध्ये सध्याच्या स्थितीत 2000 अभियंते आहेत आणि कंपनीचे उद्दिष्ट पुढील 18 महिन्यांत 5 हजारांपर्यंत अभियांत्रिकी कर्मचारी वाढवण्याचे आहे.
अनेक बड्या लोकांनी सोडली कंपनी
कंपनीचे मुख्य कार्यकारी अधिकारी भाविश अग्रवाल यांच्या नेतृत्वाखालील अनेक उच्च-स्तरीय अधिकारी गेल्या दोन वर्षांत कंपनीला रामराम ठोकला आहे.
काही काळापूर्वी कंपनीने त्याच्या पूर्व-मालकीच्या कार व्यवसाय ओला कार्स आणि कंपनीच्या द्रुत वाणिज्य व्यवसाय ओला डॅशमधून सुमारे 2,000 कर्मचारी काढून टाकले होते. सुरवातीला अत्यंत तेजीने स्पर्धकांना मागे टाकणाऱ्या ओला कंपनीला इलेक्ट्रिक बाईक क्षेत्र फारसे झेपले दिसत नसल्याचे चित्र आहे.