Petrol-Diesel : पेट्रोल-डिझेल होणार स्वस्त, उद्यापासून किंमती उतरण्याचा अंदाज, इतक्या रुपयांचा मिळू शकतो दिलासा..

इंधन होणार स्वस्त?

Image Credit source: सोशल मीडिया

नवी दिल्ली : आंतरराष्ट्रीय बाजारात कच्च्या तेलाचे (Crude Oil) दर सहा महिन्यांपासून नीच्चांकी पातळीवर असतानाही सर्वसामान्य नागरिकांना दिलासा मिळालेला नाही. मे महिन्यापासून इंधन दरवाढ न झाल्याचे तेवढं समाधान आहे. पण तज्ज्ञांच्या मते, 5 डिसेंबर पासून देशात इंधन दर कपात होऊ शकते. सकाळी याविषयीच्या निर्णयाची कंपन्या अंमलबजावणी करण्याची शक्यता तज्ज्ञांनी व्यक्त केली आहे. त्यामुळे पेट्रोल-डिझेलच्या किंमतीत (Petrol-Diesel Price) घसरण होऊ शकते.

झी बिझनेसने दिलेल्या वृत्तानुसार, पेट्रोल-डिझेलच्या किंमतीत मोठी घसरण होऊ शकते. 5 डिसेंबर रोजी हा नवीन दर बघायला मिळू शकतात. गेल्या अनेक महिन्यांपासून इंधन दर कमी होण्याच्या प्रतिक्षेत वाहनधारक आहेत. पण उद्या ही खूशखबर मिळण्याचा अंदाज व्यक्त करण्यात येत आहे.

5 डिसेंबर रोजी पेट्रोल-डिझेलच्या किंमतीत 5 रुपयांपर्यंत कपात होण्याचा दावा तज्ज्ञांनी व्यक्त केला आहे. यापूर्वी ही असे दावे करण्यात आले आहेत. पण तज्ज्ञांच्या मते, गुजरात निवडणुकीच्या दुसऱ्या टप्प्यात केंद्र सरकारकडून हे गिफ्ट मिळू शकते.

देशात सध्या क्रुड ऑईलच्या किंमती $90 प्रति बॅरलवर व्यापार करत आहेत. सध्या या किंमती $82 च्या जवळपास आहेत. नोव्हेंबर महिन्यात क्रूड ऑईलच्या किंमतीत 7% घसरण दिसून आली. त्यामुळे जनतेतही पेट्रोल-डिझेलचे दर कमी होण्याची मागणी जोर धरत आहे.

झी बिझनेसने तज्ज्ञांचे मत घेत, याविषयीचे वृत्त दिले आहे, त्यानुसार, आंतरराष्ट्रीय पातळीवर कच्च्या तेलाच्या दरात घसरण होणार असल्याचा फायदा दिसून येईल. पेट्रोल-डिझेलच्या दरात पाच रुपयांपर्यंत घसरण होईल. त्यामुळे वाहनधारकांना मोठा दिलासा मिळेल.

कच्च्या तेलाच्या किंमतीत गेल्या काही महिन्यांपासून सातत्याने घसरण होत आहे. परंतु, पेट्रोल-डिझेलच्या किंमतीत काहीच बदल झालेला नाही. तेल कंपन्या नुकसानीचा दावा करत होत्या. पण त्यांचे नुकसान भरुन निघाल्याचा दावा करण्यात येत आहे.

क्रुड ऑईलच्या किंमतीत मार्च 2022 पासून आतापर्यंत 27% घसरण दिसून आली आहे. क्रुड ऑईलचे दर सातत्याने $90 प्रति बॅरलच्या खाली आहेत. त्यामुळे किंमतीत घसरण होण्याची शक्यता वर्तविण्यात येत आहे.