Share Market Updates : शेअर बाजार सुरू होताच सेंसेक्स वधारला, मात्र गुंतवणूकदारांमध्ये धाकधूक कायम
आज शेअर बाजार (Share market) सुरू होताच पहिल्या सत्रात शेअर मार्केटमध्ये तेजी दिसून आली. सेंसेक्समध्ये (Sensex) 278 अंकाची वाढ झाली तर निफ्टी देखील 87 अंकांनी वधारला. सेंसेक्स 278 अंकांच्या वाढीसह 56741 वर पोहोचला.
आज शेअर बाजार (Share market) सुरू होताच पहिल्या सत्रात शेअर मार्केटमध्ये तेजी दिसून आली. सेंसेक्समध्ये (Sensex) 278 अंकाची वाढ झाली तर निफ्टी देखील 87 अंकांनी वधारला. सेंसेक्स 278 अंकांच्या वाढीसह 56741 वर पोहोचला. तर निफ्टी (Nifty) 87 अंकाच्या वाढीसह 17045 वर पोहोचला. गेल्या काही दिवसांपासून शेअर मार्केटमध्ये घसरणीचे सत्र सुरूच आहे. चालू आठवड्याच्या पहिल्याच दिवशी सेंसेक्स तब्बल 1200 अकांनी कोसळला होता. तर मंगळवारी देखील सेंसेक्स 700 अंकांनी घसरल्याचे पहायला मिळाले. गेल्या पाच दिवसांपासून शेअर मार्केट हे घसरणीसह बंद होत आहे. गेल्या पाच दिवसांत सेंसेक्समध्ये तब्बल 2984 अंकाची घसरण झाल्यचे समोर आले आहे. शेअर बाजारामध्ये घसरणीचे सत्र सुरूच असल्यामुळे गेल्या पाच दिवसांत गुंतवणूकदारांना जवळपास 8 लाख कोटी रुपयांचा फटका बसला आहे. एप्रिल महिन्याबाबत बोलायचे झाल्यास आठ एप्रिल सोडल्यास आतापर्यंत शेअर मार्केटमध्ये पडझडच दिसून आली आहे.
27 कंपन्यांचे शेअर तेजीत
आज शेअर बाजार सुरू होताच पहिल्या सत्रात टॉप 30 शेअरपैकी 27 शेअर हे तेजीत दिसून येत होते. तर तीन शेअरच्या मुल्यात घसरण झाल्यचे पहायला मिळाले. कोटक महिंद्रा बँक, इंन्डसलॅंड बँक आणि बजाज फायन्सासच्या शेअरमध्ये घसरण झाली. तर दुसरीकडे महिंद्रा , महिंद्रा अॅण्ड महिंद्रा आणि एनटीपीसीच्या शेअरमध्ये मोठी तेजी दिसून आली. आज एचडीएफसी, एचडीएफडी बँक आणि रिलायन्सचे शेअर्स देखील तेजीत आहेत. सलग दोन दिवसांच्या मंदीनंतर आज एचडीएफसी आणि एचडीएफसी बँक यांच्या शेअरमध्ये तेजी आल्याचे पहायला मिळत आहे. सलग दोन दिवसांच्या पडझडीनंतर आज इन्फोसिसचा शेअर्स देखील तेजीत आहे.
बऱ्याच दिवसांनंतर एचडीएफसी बँकेच्या शेअर्समध्ये तेजी
तब्बल 9 दिवसांनंतर आज एचडीएफसी बँकेच्या शेअर्समध्ये तेजी दिसून येत आहे. आज एचडीएफसी बँकेचे शेअर्स वधारल्याने गुंतवणूकदारांना थोडा दिलासा मिळाला आहे. मात्र मागच्या दोन दिवसांचा रेकॉर्ड पहाता अद्यापही गुंतवणूकदारांमध्ये धाकधूक कायम आहे. तर दुसरीकडे रिलायन्सचे शेअर्स देखील वधारले असून, रिलायन्सच्या शेअर्समध्ये 3 टक्क्यांची तेजी दिसून येत आहे.
संबंधित बातम्या
Volvo Car: आलिशान वोल्वो कारची किंमत तब्बल तीन लाखांनी वाढली! आता नेमकी किंमत किती? जाणून घ्या
