कोरोनाच्या नव्या प्रजातीमुळे भांडवली बाजारात खळबळ, गुंतवणूकदारांचे तब्बल 7 लाख कोटी रुपये बुडाले

मुंबई : ब्रिटनमध्ये कोरोनाची नवी प्रजाती आढळल्याने जगभरात खळबळ माजली आहे. भांडवली बाजारावरही त्यांचा परिणाम दिसून आला. कोरोनाच्या नव्या प्रजातीमुळे आठवड्याच्या पहिल्याच (सोमवारी) दोन्ही निर्देशांक चांगलेच घरंगळल्याचे दिसले. चालू सत्रात गुंतवणूकदारांचे तब्बल 7 लाख कोटी बुडाले आहेत. (stock market has been collapsed due to corona virus investor seven crore loss)

दिवसाअखेर सेंसेक्स (sensex) 1406 अंकांनी घरंगळून 45,553.96 अंकांवर स्थिरावला. तर निफ्टी (nifty) 432 अंकानी कमी होऊन 13,328.40 अंकापर्यंत स्थिरावला.

निर्देशांक कमी होण्याचे कारण काय?

ब्रिटनमध्ये कोरोनाची नवी प्रजाती आढळली आहे. त्यामुळे जगातील सर्व देशांनी खबरदारी घ्यायला सुरुवात केली आहे. तसेच, अनेक देशांनी विमान उड्डणांवर बंदी घातली आहे. या गोष्टीचा भांडवली बाजारावर दबाव पाहायला मिळाला. दिवसभरात बँक, ऑटो, फायनान्स सेवा या प्रमुख सेक्टर्ससोबतच इतर अनेक सेक्ट्रर्सवर नकारात्मक परिणाम पाहायला मिळाला.

युरोपीय शेअर बाजारावरही कोरोनाचा नकारात्मक परिणाम दिसून आला. निर्देशांकाचा दिवसभरातील कल, आणि कोरोनाविषयक घडामोडी पाहून भारतीय शेअर बाजारात शेअर्सच्या विक्रीचा मोठा दबाव निर्माण झाला. तर याच दबावामुळे सेंसक्स आणि निफ्टी या प्रमुख निर्देशांकात घसरण पाहायला मिळाली.

गुंतवणूकदारांचे 7 लाख कोटी रुपये बुडाले

आठवड्याचा आजचा पहिलाच दिवस होता. आजचे सत्र गुंतवणूकदारांठी वाईट राहिलेय. कोरोना विषाणूच्या नव्या प्रजातीमुळे भांडवली बाजारामध्ये खळबळ उडाली. त्यामुळे दिवसभरात गुंतवणूकदारांचे तब्बल 7 लाख कोटी रुपये बुडाले. शुक्रवारी मुंबई शेअर बाजारावरील एकूण कंपन्यांचे बांडवल 1,85,38,636.70 कोटी रुपये होते. ते सोमवारच्या भांडवली सत्रात 7,05,403.79 कोटींनी कमी होऊन 1,78,33,232.91 रुपयांवर येऊन ठेपले. त्यामुळे आजच्या व्यवहारात गुंतवणूकदारांना चांगलाच फटका बसला.

मिडकॅप आणि स्मॉलकॅप इंडस्ट्रीजना फटका

कोरोनामुळे मोठ्या इंडस्ट्रीजना फटका तर बसलाच, मात्र मिडकॅप आणि स्मॉलकॅप कंपन्यांच्या शेअर्सचीही किंमत कमी झाली. भारतीय शेअर बाजारावरील स्मॉलकॅप इंडेक्स 4.17 टक्क्यांनी तर मिडकॅप इंडेक्स 4.14 टक्क्यांनी कमी झाला.

संबंधित बातम्या :

Gold Price : सोने खरेदी करण्याची हीच ती वेळ?; सोनं 56000 पर्यंत जाण्याची शक्यता

‘या’ 3 सरकारी बँकांच्या विलीनीकरणाची प्रक्रिया पूर्ण; बँकेत जमा पैसे किती सुरक्षित?

PF Account मध्ये अशी अपडेट करा बँकेची माहिती; फक्त तीन टप्पे आणि काम फत्ते

(stock market has been collapsed due to corona virus investor seven crore loss)