चाचणीत सपशेल नापास ठरल्या या औषधी कंपन्या; राजकीय पक्षांनी किती दिल्या देणग्या? आकडे तर बोलतात

कंपन्यांनी किती दिले डोनेशन

अनेक नामांकित औषधी कंपन्यांनी भेसळयुक्त औषधं बाजारात आणल्याचे समोर आले. एका तपासणी अहवालात आपल्या देशातील 53 औषधांमध्ये भेसळ असल्याचे समोर आले आहे. गुणवत्तेत ही औषधं सपशेल फेल ठरल्याचे समोर आले आहे. या औषधांमध्ये Paracetamol, Pan-D आणि Telma-H या सारख्या औषधांचा समावेश आहे. ही औषधं ताप, अपचन आणि उच्च रक्तदाबासाठी वापरण्यात येत होती. या ताज्या अहवालामुळे देशभरातील रुग्णांना मोठा धक्का बसला. औषधी निर्मिती क्षेत्रातील या नामांकित कंपन्या आहेत. विशेष म्हणजे या कंपन्यांनी मोठ्या मोठ्या राजकीय पक्षांना निवडणूक रोख्याच्या स्वरुपात कोट्यवधींचा निधी दिल्याचे समोर आले आहे. काँग्रेस आणि भाजपाच्या झोळीत या पक्षांनी किती देणगी दिली हे आकडेवारीवरुन समोर आले आहे.

निवडणूक रोख्याच्या माध्यमातून पैसा

यामध्ये सर्वात मोठी फार्मा कंपनी Torrent Pharmaceuticals ची दोन औषधं गुणवत्ता चाचणीत भेसळयुक्त निघाली. Shelcal आणि Montair LC ही कंपनीची दोन औषधं या गुणवत्ता चाचणीत खरी उतरली नाहीत. या फार्मा कंपनीने 77 कोटी 50 लाख रुपयांचे निवडणूक रोखे खरेदी केले होते. यामध्ये 61 लाख रुपये भाजपच्या झोळीत तर 5 कोटींचे निवडणूक रोखे काँग्रेस पक्ष आणि 3 कोटी रुपये समाजवादी पक्ष तर एक कोटी रुपयांचे रोखे आम आदमी पक्षाच्या खात्यात गेले.

दुसरी फार्मा कंपनी ALKEM ही Health Science आणि PAN-D ही औषधं तयार करते. या कंपनीने भाजपाच्या खात्यात 15 कोटी रुपये निवडणूक बाँडच्या स्वरुपात जमा केले. तिसरी फार्मा कंपनीच्या औषधात भेसळ आढळली, त्या कंपनीचे नाव हेटरो लॅब लिमिटेड असे आहे. या कंपनीने 25 कोटी रुपयांचे निवडणूक बाँड खरेदी केले आहेत. यामधील 20 कोटींचे निवडणूक रोखे के. चंद्रशेखर राव यांच्या तेलंगाणा राष्ट्र समितीला तर 5 कोटी रुपये भाजपला या रोख्यांच्या माध्यमातून दिले आहे. SUN फार्मा या नावाजलेल्या कंपनीचे बाजारातील औषधं गुणवत्तेवर टिकली नाहीत. या कंपनीने निवडणूक रोख्यातून 31 कोटी रुपये भाजपच्या झोळीत टाकले.

कंपन्यांचे म्हणणे तरी काय?

ज्या कंपन्यांच्या औषधांमध्ये भेसळ आढळली. त्या कंपन्यांनी अनेक राजकीय पक्षांना निवडणूक रोख्यात कोट्यवधी रुपये दिले आहेत. या देणग्या कशासाठी दिल्या ते समोर आले नाही. पण या कंपन्यांनी देणगी रुपयात कोट्यवधी रुपये दिले आहेत. सन फार्मा आणि टॉरेंट या कंपन्यांनी भेसळयुक्त औषधं त्यांची नसून ती औषधं नकली असल्याचा दावा केला आहे.