Today petrol, diesel rates : कच्च्या तेलाच्या दरात तेजी; पेट्रोलियम कंपन्यांकडून पेट्रोल, डिझेलचे नवे दर जारी, जाणून घ्या आपल्या शहरातील भाव
पेट्रोलियम कंपन्यांकडून इंधनाचे नवे दर जारी करण्यात आले आहेत. नव्या दरानुसार आज देखील पेट्रोल, डिझेलच्या दरात कोणताही बदल करण्यात आलेला नाही. जाणून घेऊयात राज्यातील पेट्रोल, डिझेलचे भाव.
मुंबई : पेट्रोलियम कंपन्यांकडून इंधनाचे नवे दर जारी करण्यात आले आहेत. नव्या दरानुसार आज देखील पेट्रोल, डिझेलचे दर (Petrol Diesel Price) स्थिर असून, भावात कोणताही बदल झालेला नाही. आंतरराष्ट्रीय बाजारात कच्च्या तेलाच्या (Crude oil price) दरात चढ-उतार सुरूच आहे. आज कच्च्या तेलाचे दर प्रति बॅरल 122 डॉलरवर पोहोचले आहेत. आरबीआयचे गव्हर्नर शक्तिकांद दास (Shaktikanta Das) यांनी याबाबत बोलताना म्हटले आहे की, रशिया आणि युक्रेन युद्धामुळे कच्च्या तेलाचे दर गगनाला भिडले आहेत. कच्च्या तेलात आलेल्या तेजीमुळे भविष्यात पेट्रोल, डिझेलचे भाव आणखी वाढू शकतात. इंधनाचे वाढते दर हेच महागाईला कारणभूत आहेत. पेट्रोल, डिझेलच्या दरात वाढ झाल्यास महागाई आणखी एक टक्क्यांनी वाढून, 6.7 टक्क्यांपर्यंत पोहोचू शकते. महागाईला नियंत्रणात आणण्यासाठी केंद्र सरकार आणि आरबीआयच्या वतीने काही महत्त्वपूर्ण पाऊले उचलण्यात येत आहेत.
राज्याच्या प्रमुख शहरातील पेट्रोल, डिझेलचे दर
| शहरं | पेट्रोल | डिझेल |
|---|---|---|
| मुंबई | 111.35 | 97.28 |
| पुणे | 111. 30 | 98 |
| नाशिक | 111.25 | 95.73 |
| नागपूर | 111.41 | 95.73 |
| कोल्हापूर | 111.02 | 95.54 |
प्रमुख महानगरातील पेट्रोल, डिझेलचे दर
पेट्रोलियम कंपन्यांकडून आज जारी करण्यात आलेल्या नव्या दरानुसार राजधानी दिल्लीमध्ये पेट्रोलचा दर प्रति लिटर 96.72 रुपये आहे, तर डिझेलचा दर प्रति लिटर 89.62 रुपये इतका आहे. आर्थिक राजधानी मुंबईमध्ये पेट्रोलचा दर प्रति लिटर 111.35 रुपये तर डिझेलचा दर प्रति लिटर 97.28 रुपये एवढा आहे. चेन्नईमध्ये पेट्रोलचा दर प्रति लिटर 102.63 रुपये असून, डिझेलचा दर प्रति लिटर 94.24 रुपये एवढा आहे. कोलकातामध्ये पेट्रोलचा दर प्रति लिटर 106.03 रुपये आहे. तर डिझेलचा भाव 92.76 रुपये एवढा आहे.
