IBPS RRB PO Mains Resutl 2021: आयबीपीएस आरआरबी प्रोबेशनरी ऑफिसर्सचा निकाल जाहीर, असा पाहा निकाल

IBPS RRB PO Mains Result 2021: इनस्टिट्यूट ऑफ बँकिंग पर्सनेल (आयबीपीएस IBPS) नं प्रादेशिक ग्रामीण बँकांमधील (RRB PO) प्रोबेशनरी ऑफिसर्स परीक्षेचा निकाल जाहीर केला आहे. आयबीपीएसनं आरआरबी प्रोबेशनरी ग्रुप ए ऑफिसर्स स्केल 1 चा निकाल जाहीर केला असून ज्या उमेदवारांनी ही परीक्षा दिली आहे ते आयबीपीएसच्या वेबसाईटवर निकाल पाहू शकतात. उमेदवारांना निकाल पाहण्यासाठी https://ibpsonline.ibps.in/ वेबसाईटला भेट द्यावी लागेल. (IBPS RRB PO mains result 2021 released today)

14 फेब्रुवारीपर्यंत निकाल पाहता येणार

आयबीपीएस आरआरबी पीओ परीक्षेचा निकाल आज जाहीर झाला असून तो 14 फेब्रुवारीपर्यंत पाहता येणार आहे. परीक्षा दिलेल्या विद्यार्थ्यांना त्यांचा नोंदणी क्रमांक आणि पासवर्ड टाकून निकाल पाहता येईल. मुख्य परीक्षेत उत्तीर्ण झालेले विद्यार्थी मुलाखतीसाठी पात्र ठरले आहेत. त्यांना मुलाखतीची तयारी करावी लागेल. आयबीपीएसच्या परीक्षेच्या जाहिरातीनुसार मुख्य परीक्षेत मिळालेल्या गुणांचा विचार मुलाखतीसाठी उमेदावारांची निवड करताना केला जाणार आहे. मुलाखतीसाठी निवड होण्यासाठी प्रत्येक उमदेवाराला किमान गुण मिळवणं आवश्यक आहे.

निकाल कसा पाहाल?

– आयबीपीएसच्या अधिकृत वेबसाईटला भेट द्या.
– त्यानंतर मुख्यपृष्ठावरील CRP – RRB – IX – Recruitment of Officers Scale  स्क्रोलिंग करून क्लिक करा.
– ओपन वेबपृष्ठावर आपला नोंदणी क्रमांक आणि कॅप्चा प्रविष्ट करा.
– आता निकालाचे प्रिंटआउट घ्या किंवा संगणकावर सेव्ह करा.

जागांच्या तुलनेत मुलाखतीच्या उमेदवारांची निवड

प्रादेशिक ग्रामीण बँकांनी जाहीर केलेल्या पदांच्या तुलनेत उमदेवारांना मुलाखतीला बोलवलं जाणार आहे. प्रत्येक प्रवर्गासाठी राखीव असलेल्या पदांच्या संख्येच्या तीन पट उमेदावारांची निवड मुलाखतीसाठी केली जाईल. आयबीपीएसकडून देशातील बँकांमध्ये अधिकारी आणि क्लर्क पदांच्या भरतीसाठी परीक्षेची प्रक्रिया राबवण्यात येते.

संबंधित बातम्या :

सोलापुरात बापलेकीच्या नात्याला काळिमा, जन्मदात्याचा चिमुरडीवर बलात्कार, आईची तक्रार

कोव्हॅक्सिनसाठी भारत बायोटेकची गुंतवणूक किती? जाणून घ्या सर्व माहिती

ICAI CA Result 2020: सीए परीक्षेचा निकाल जाहीर, मोबाईलवर असा पाहा निकाल

IBPS Clerk 2019 recruitment : 12074 पदांसाठी नॉटीफिकेशन, अर्ज कसा कराल?

(IBPS RRB PO mains result 2021 released today)