पश्चिम बंगाल येथील चंदननगर येथे धक्कादायक प्रकार घडला आहे. येथे एका तरुणाचा कुत्र्याचा पाठलाग करताना हॉटेलच्या तिसऱ्या माळ्यावरुन कोसळून मृत्यू झाल्याची घटना उघडकीस आली आहे. ही घटना चंदननगर पोलिस ठाण्याच्या हद्दीत घडली असून व्हीव्ही प्राईड हॉटेलात हा प्रकार घडला आहे. हॉटेलात हा कुत्रा अचानक आल्याने सुरुवातील घाबरलेला हा तरुण या कुत्र्याला हाकल्याने धावताना तोल जाऊन तो तिसऱ्या मजल्यावरुन कोसळल्याने त्याचा थेट मृत्यूच झाल्याचे उघडकीस आले आहे.
23 वर्षीय उदय आपल्या कुटुंबासोबत शहरात आला होता. अशोक नगरातील रामचंद्रपुरम येथे राहात होता. आपल्या मित्रासोबत वेळ घालविण्यासाठी त्याने रविवारी व्हीव्ही प्राईड ह़ॉटेलातील एक रुम बुक केला होता. हॉटेलच्या तिसऱ्या माळ्यावरील बाल्कनीत तो उभा होता. तेव्हा त्याला एक कुत्रा दिसला, त्यानंतर उदय याने त्याचा पाठलाग केला.कुत्र्याचा पाठलाग करताना घाबरल्याने त्याचा अंदाज चुकल्याने खिडकीच्या बाल्कनीतून तो खाली कोसळला.
ज्यामुळे उदय गंभीररित्या जखमी झाला. त्यावेळी त्याला तेथील उपस्थित मित्रांना त्याला रुग्णालयात नेले. परंतू डॉक्टरांनी तपासून त्याला मृत घोषीत केले. उदयचा मृतदेह पोस्टमार्टेमसाठी गांधी रुग्णालयात पाठविला आहे. आणि तपास केला जात आहे. सीसीटीव्ही फूटेजमधील माहिती नुसार ही घटना सोमवारी सुमारे 12.30 वाजताची आहे.चंदननगर पोलिसांनी या प्रकरणी गुन्हा दाखल केला असून त्याचा तपास केला जात आहे. पोलिस हॉटेल कर्मचाऱ्यांची चौकशी केली जात आहे. या संदर्भात अनेक कर्मचाऱ्यांना ताब्यात देखील घेतलेले आहे.