प्रेमातील वाद टोकाला गेला, तरुणाचा प्रेयसीवर जीवघेणा हल्ला, कुठे घडली घटना ?
प्रेम प्रकरणातील वादातून ही हत्या आणि आत्महत्या घडल्याचे प्राथमिक तपासात कळते. मात्र पोलीस तपासानंतरच नक्की प्रकरण काय ते स्पष्ट होईल.
पालघर : एका तरुणाने तरुणीवर भरदिवसा गोळीबार केल्याची धक्कादायक घटना बोईसर (Boisar) परिसर घडली आहे. प्रेम प्रकरणातून हा गोळीबार (Firing in Boisar) केल्याचा प्राथमिक अंदाज बोईसर पोलिसांकडून व्यक्त केला जातोय. तरुणीवर हल्ला (Attack on Young Girl) केल्यानंतर आरोपीने गाडीखाली उडी घेत आत्महत्येचा प्रयत्न केला. यात आरोपी गंभीर झाला होता. त्याला उपचारासाठी रुग्णालयात दाखल करण्यात आले. मात्र उपचारादरम्यान त्याचा मृत्यू झाला.
बोईसरमधील धक्कादायक घटना
स्नेहा दिनेशकुमार मेहतो असे हल्ल्यात मृत्यू झालेल्या तरुणीचे नाव आहे. तर कृष्णा यादव असे आरोपी तरुणाचे नाव आहे. बोईसरमधील टिमा हॉस्पिटलजवळ ही धक्कादायक घटना घडली आहे.
गोळीबारात तरुणीच्या डोक्याला मार लागल्याने तिचा मृत्यू
कृष्णाने स्नेहावर गोळीबार केला. या गोळीबारात स्नेहाच्या डोक्याला मार लागल्याने तिचा जागीच मृत्यू झाला. यानंतर आरोपी कृष्णा यादवने पळून जाण्याचा प्रयत्न केला. यावेळी स्थानिकांनी आरोपीचा पाठलाग केला. मात्र सीआयएसएफच्या गाडीखाली येऊन त्याने आत्महत्येचा प्रयत्न केला.
तरुणाचा आत्महत्येचा प्रयत्न
गाडीखाली आल्याने जखमी झालेल्या तरुणाला रुग्णालयात उपचारासाठी दाखल करण्यात आले. मात्र रुग्णालयात उपचारादरम्यान आरोपी तरुणाचा मृत्यू झाला. याप्रकरणी बोईसर पोलिसात गुन्हा दाखल करण्यात आला आहे. पोलीस अधिक तपास करत आहेत.
पोलिसांचा तपास सुरु
या तरुण-तरुणीबाबत अधिक चौकशी पोलीस करत आहेत. प्रेम प्रकरणातील वादातून ही हत्या आणि आत्महत्या घडल्याचे प्राथमिक तपासात कळते. मात्र पोलीस तपासानंतरच नक्की प्रकरण काय ते स्पष्ट होईल.
दिवसाढवळ्या घडलेल्या या घटनेमुळे परिसरात खळबळ माजली आहे.
