बहिणीपासून दूर रहा म्हणाला, पण तरुण ऐकत नव्हता, मग चहा पिण्यासाठी म्हणून गेला तो परतलाच नाही !

बहिणीचे प्रेमसंबंध मान्य नसल्याने भावानेच तरुणाला संपवले

पटना : बहिणीच्या प्रेमसंबंधामुळे नाराज भावाने बहिणीच्या प्रियकराची हत्या केल्याची धक्कादायक घटना बिहारमधील पटना येथे उघडकीस आली आहे. प्रेमप्रकरणातून तरुणाची गोळ्या झाडून हत्या करण्यात आली. राज कुमार असे हत्या करण्यात आलेल्या आरोपीचे नाव आहे. पोलिसांनी प्रेयसीचा भाऊ अभिषेक कुमार याला अटक केली आहे. पोलीस चौकशीत आरोपीने आपला गुन्हा कबूल केला आहे. या हत्याकांडानंतर पाटणा शहर एएसपीच्या नेतृत्वाखाली एक विशेष टीम तयार करण्यात आली आणि टीमच्या सदस्यांनी दोन दिवसांत या हत्येचा छडा लावला.

बहिणीशी प्रेमसंबंध होते म्हणून तरुणाला संपवले

राज कुमारचे मलसलमी येथील रहिवासी अभिषेक कुमार याच्या बहिणीशी प्रेमसंबंध होते. अभिषेकला या प्रकरणाची माहिती मिळाल्यानंतर तो संतापला. अभिषेकने राजला बहिणीपासून दूर राहण्याची वारंवार ताकीद देऊनही राज ऐकत नव्हता. यानंतर अभिषेकने राजच्या हत्येचा कट रचला. त्यानुसार त्याने 26 एप्रिल रोजी चहा पिण्याच्या बहाण्याने राजला गूळ बाजारात बोलावले. त्यानंतर अभिषेकने राजवर दोन वेळा गोळ्या झाडल्या. यात काज जागीच ठार झाला. पोलिसांनी घटनास्थळावरून दोन खोकेही जप्त केले आहेत.

प्रत्यक्षदर्शी आणि राजचा मित्र श्रवणच्या माहितीनंतर हत्याकांडाचा उलगडा

घटनेच्या वेळी उपस्थित असलेला राजचा मित्र श्रवण कुमार यालाही पोलिसांनी ताब्यात घेतले होते. श्रवण कुमारने पोलीस चौकशीत हत्याकांडाचा उलगडा केला आणि राज कुमारच्या प्रेमसंबंधाबाबत पोलिसांना माहिती दिली. या संपूर्ण प्रकरणाचे तांत्रिक संशोधन करून पोलिसांनी या प्रकरणाचा छडा लावला आहे.

यानंतर पोलिसांनी अभिषेकला ताब्यात घेत त्याची चौकशी केली असता त्याने हत्येची कबुली दिली. पोलिसांनी अभिषेकवर हत्येचा गुन्हा दाखल करत आरोपीला अटक केली आहे.