दारूच्या नशेत तो मुलाला मारत होता, वाचवायला आलेल्या वृद्ध वडीलांनाही नाही सोडले…

पुण्यात नदीपात्रात अनोळखी मृतदेह आढळला

रांची : घरगुती वादातून मद्यपी मुलाने त्याच्या वयोवृद्ध वडिलांची (drunk man killed own father) हत्या केल्याचे प्रकरण समोर आले आहे. झारखंडच्या चतरा जिल्ह्यात ही धक्कादायक घटना घडली असून मुलाने वडिलांच्या डोक्यात रॉड घालून त्यांचा जीव (crime news) घेतला. टंडवा ठाणे क्षेत्रातील तेलियाडीह गावात हा प्रकार घडला. या हल्ल्यानंतर त्या वृद्ध इसमाचा जागीच मृत्यू झाला आणि आरोपी मुलगा फरार झाला. ग्रामस्थांनी या घटनेची माहिती पोलिसांना दिली.

पोलिसांनी घटनास्थळ गाठून मृतदेह ताब्यात घेतला व तो पोस्टमॉर्टमसाठी पाठवला आहे. काली भुईया असे मृत इसमाचे नाव आहे. पोलिसांनी दिलेल्या माहितीनुसार, काली यांचा मुलगा मुन्नी भुईया (३५ वर्षे) हा मद्यधुंद अवस्थेत आपल्या मुलाला मारहाण करत होता. ते थांबवण्यासाठी व नातवाला वाचवण्यासाठी काली हे मध्ये पडले. मात्र यामुळे मुन्नी आणखीनच संतापला आणि रागाच्या भारात काहीही विचार न करता त्याने वडिलांच्या डोक्यात रॉड मारला. हा हल्ला इतका जोरदार होता की काली हे गंभीर जखमी झाले आणि काही वेळातच घटनास्थळीचे त्यांचे प्राण गेले.

या हल्ल्याचा व घटनेला लेखी अर्ज मिळाल्याचे पोलिसांनी नमूद केले. लवकरच या संपूर्ण प्रकरणाचा तपास करून आरोपीला अटक करून कारागृहात पाठवण्यात येईल, असे आश्वासनही त्यांनी दिले. मात्र काली यांच्या मृत्यूमुळे घरात शोकाकुल वातावरण असून रडून रडून नातेवाइकांची दुरावस्था झाली आहे.